Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

12/02/09

Cronopios

Hoxe, hai 25 anos, deixounos Julio Cortázar, o mellor cronopio xogador de palabras.
Del Centro Editores publica unha edición especial de "Historias de cronopios e de famas" con tres relatos inéditos (ollo!: edición non apta para todos os petos). Estes tres relatos son historias completamente terminadas e corrixidas por Cortázar que suprimiu na edición orixinal: ‘Never stop the Press’, ‘Vialidad’ e ‘Almuerzos’
Os cronopios, eses ‘verdes, erizados, húmedos objetos’ apareceron por vez primeira en 1952 durante un concerto de Stravinsky no Theatre des Champs Elysées de París:


Un cronopio pequeñito buscaba la llave de la puerta de la calle en la mesa de luz, la mesa de luz en el dormitorio, el dormitorio en la casa, la casa en la calle. Aquí se detenía el cronopio, pues para salir a la calle precisaba la llave de la puerta.

Ademais, Alfaguara publicará proximamente Papeles inesperados con 11 relatos, un capítulo inédito de "Libro de Manuel", 11 novos textos pertencentes a "Un tal Lucas", 4 autoentrevistas, 13 poemas descoñecidos, e varios textos "inclasificables", todos eles inéditos e descubertos hai apenas tres anos nos caixóns da súa casa.

Vía Papel en blanco

1 comentario:

Anónimo dixo...

Oportuno recordatorio. Creo que pasou desapercibido, alomenos eu non vin nin lin nada hoxe ao respecto. Enlazoo, con permiso. Saúdos.

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.