Aurore Callias é a artífice deste simpático e curioso álbum que publica Libros del Zorro Rojo: La isla de los perros. Tanto se vos gustan coma se non, neste libro toparedes un desfile de animais que son todo cadeliños ou non, posto que hai máis de trinta razas de cans disfrazados doutros animais. Ben, disfrazados, o que se di disfrazados... realmente, sorprende a metamorfose e a semellanza que se consegue entre o orixinal e o resultado final. Por que non vai ser un pequinés un ourizo? Se ata engade un "elenco" final!!! Así, este libro deixará de selo para converterse nun xoguete onde a visualización é a única condición.
Ilustracións limpas, sobre fondo branco, simples, expresivas e áxiles.
Sen comentarios
Publicar un comentario