EEUU retén ao fotógrafo iraquí da axencia de noticias Associated Press, Bilal Hussein Zaidon, autor dunha serie de 20 imaxes coa que obtivo o premio Pulitzer no ano 2005. Segundo o Pentágono, teñen probas convincentes e irrefutables de que o fotógrafo garda contacto coa insurxencia en Irak, pese a que non informaron sobre as acusacións que pesan sobre el nin que probas teñen.
O caso é catalogado pola prensa como un exemplo máis das complicacións que sofren os periodistas iraquís que cobren a guerra no seu país.
Reporteiros sen Fronteiras pide a liberación inmediata do reporteiro, detido polos soldados de EEUU, e acusa a este país de pisotear os seus dereitos ao empeñarse en facer do periodista un terrorista sen ter probas.
Ningún comentario:
Publicar un comentario