Dalí e o cinema

Vía Iniciarte entérome desta interesante reportaxe: Salvador Dalí, ademais de colaborar no cine con Luís Buñuel (Un perro andaluz, 1929), con Alfred Hitchcock (Recuerda, 1945), fixo unha pequena incursión no cinema de animación da man de Walt Disney en 1946.

A partir da canción de Armando Domínguez, "Destino", deseñou un story-board do que tan só se chegaron a filmar 20 segundos. No ano 2003, Roy Disney e o produtor Baker Bloodworth desenvolvérono coas indicacións do propio Dalí.