Desde a Aula Castelao

A Aula Castelao de Filosofía calificou como "equívoca e tendenciosa" a enquisa da Consellaría de Educación. Segundo a entidade, é unha iniciativa demagóxica que ten como obxectivo final limitar ou suprimir nos nenos e nenas a competencia lingüísitica en galego. Reivindica o seu traballo a prol da normalización do galego a través de publicacións ou da Semana Galega da Filosofía. Así, o vocabulario técnico ou filosófico é traducíbel, expresábel e interiorizábel en calquera lingua, polo que defende o galego como idioma de coñecemento e reflexión filosófica para contribuír ao enriquecemento do vocabulario e dos contidos dos currículos de Filosofía dos centros. Pide ás institucións que apoien a competencia lingüística en galego, polo que reclamou que se propicien realmente as canles de coñecemento científico, tecnolóxico, filosófico e artístico na lingua propia.