Feliz ano

Feliz ano... a pesar de todo. A pesar da violencia, a pesar das inxustizas, a pesar das desigualdades, a pesar do paro, a pesar do último decreto do goberno galego.

Porque este é o cometido do noso blogue: un ronsel de Lecturas, un ronsel de Dereitos Humanos, un ronsel de Igualdade, un ronsel de Esperanza, Humor e Matemática. Pero é sobre todo unha débeda que temos coa nosa lingua, este noso tesouro que algúns pretenden facer desaparecer. E desde aquí, desde humilde recuncho, vemos como chega un novo ano que agardamos sexa máis digno, máis xusto, máis equitativo.
Hai un ano falabamos de esperanza. A nivel persoal cumpríronse moitas expectativas: o ano que remata faino positivamente. Non sucede do mesmo xeito para a miña alma xemelga e compañeiro deste blogue, a quen, antes que a ninguén, lle desexo que o 2010 sexa moito mellor có 2009: cómprelle abondo.
Pero fóra de nós hai moito mundo que construír. Mentres nós brindamos, haberá nen@s que morren de fame, mulleres golpeadas, homes que loitan en guerras absurdas... o noso desexo remata novamante coa intención de seguirmos denunciando o peor do noso mundo.
Se tod@s loitamos polo mesmo, algo conseguiremos. Non si?
Feliz ano a tod@s. A TOD@S!