Un segredo do bosque

Un segredo do bosque, escrito por Javier Sobrino e ilustrado por Elena Odriozola conta unha fermosa historia de amores imposibles en pleno bosque. Pero este amor é un segredo a voces que non se nos desvela ata o final do conto: porque, como é que se namora un esquío dun peto? Pero a historia voará por riba de limitacións impostas demostrando que o amor é máis importante que calquera convención social, mentres imos seducíndonos coas ilustracións, fermosas, delicadas, ocres e marróns, onde podemos ver uns animais cómplices da paixón, porque todos eles encaran o estado do namoramento de diferente xeito, e ningún deles servirá para o esquío, quen -como adoita ocorrer- non saberá actuar ante a súa namorada.
Precioso.



Este libro, xunto con outros moitos, podes desfrutalo na exposición que estes días temos no centro.