Que xoia! Que preciosidade! Temos outro libro de Benjamin Lacombe que nos apreixa o entendemento para namorarnos loucamente! O autor desta marabilla titulada El herbario de las hadas é, xunto con propio Lacombe, Sebastien Pérez e está publicado, claro, por Edelvives (doutra volta, volvemos observar como hai versión en catalán e en español, en galego semella imposible).
Non sei se debo falar novamente deste ilustrador que consegue unha maxia especial. Neste libro sobre todo, posto que é un libro "máxico". A historia trata dun botánico ruso Alexandr Bogdanovitch, que en 1914, por orde de Rasputín, viaxa ao bosque de Broceliande e alí atopa un fantástico mundo poboado de seres extraordinarios.
As ilustracións son... buf, unha pasada, non sei que palabra podería expresar a beleza que poderedes ver; hai páxinas de papel vexetal, espectaculares ilustracións botánicas, máxicas e fantásticas acuarelas, collages, recortes. Deses libros que pensas que tes que regalar a seres queridos porque ninguén pode pasar sen telo.
Así se fixo:
Ten unhas imaxes, pareceme moi orixinal a forma das páxinas do libro.
ResponderEliminaras imaxes son preciosas reflicte un mundo de maxía
ResponderEliminarEste libro é moi bonito, e ten unhas ilustracións preciosas e moi orixinais.
ResponderEliminarMoita beleza xunta. Moita arte. Despois disto non sei que máis se poderá facer
ResponderEliminar