Guernica

Ao fío da lectura do relato "A lingua das bolboretas" co que iniciamos o curso en 2º de ESO, falamos da Guerra Civil e lemos asemade este fermoso libro publicado por Kalandraka, Guernica, con texto de Heliane Bernard e ilustracións de Olivier Charpentier.

Coa súa lectura coñecemos a rabia e a dor que a Picasso lle provocou o bombardeo sobre Guernica, que o impulsou a realizar esta obra de gran tamaño para a Exposición Universal de París e que acabou converténdose nun símbolo da liberdade, nunha metáfora da inxustiza e unha fotografía dos horrores da guerra. As ilustracións utilizan o negro e o vermellos como metáfora ou símbolo da morte e do sangue.
Moi interesante tamén é o anexo con información sobre a historia de España na década dos 30 e a biografía de Picasso. Con el falamos dunha guerra que non coñecen e que semella moi afastada, pero que non o está tanto. E serviunos para achegarnos un pouquiño ao comportamento do ser humano, tan cruel en ocasións.