Camiños sen nome

Tiven o outro día este agasallo ben fermoso: Camiños sen nome é de Anna Castagnoli e está publicado por OQO. Un álbum, pura poesía, que nos convida a pasear polos pequenos detalles que nos rodean e que ás veces pasamos por alto, ben sexa por non fixarnos ben pola rapidez coa que camiñamos. As ilustracións, fermosísimas, axudan a asolagar de paz ao lector que procurará atento cada minúscula peza que as compoñen. E así, construiremos casas con cuartos ben amoblados que nos permitirán chegar a casas doutros mundos nos que habitamos sen sabelo.