O señor Ramón e a señora Ramona

Texto de Beatriz Montero e ilustracións de Leire Salaberria para este conto publicado por OQO: O señor Ramón e a señora Ramona fala do medo irracional ao descoñecido, do maxín que se desata ante calquera ruído ata comprobar que era inxustificado; pero é ante todo un xeito de demostrar que calquera pode sentilo e que as persoas maiores, polo simple feito de selo, non están libres del. E é que o medo é propio de noso, e non por iso debemos avergoñarnos. As ilustracións son un complemento perfecto a todo o que se desata na casa dos vellos protagonistas, un mundo paralelo suxeito ao real que queda perfectamente retratado.