TRAFEGANDO RONSEIS: febreiro 2013

28/02/13

Prescindibles

Unha curta de Joan Álvarez Lladós para o concurso 'No todo film fest'. Un ERE nunha empresa, un desalmado executivo e unha orixinal vinganza. "Repite: he sido malo, merezco un castigo".

vía

El papel de mi familia en la revolución mundial

Curiosísima e divertida novela de Bora Cosic publicada por Minúscula: El papel de mi familia en la revolución mundial é unha aceda crítica á política iugoslava da metade do século XX. Narrada en primeira persoa por un anónino rapaz que ten unha familia tan estrámbotica que a el todo lle parece normal. Tanto que o libro é unha sucesión de escenas surrealistas propias dunha película humorística na que nada ten moito sentido, a base de frases curtas e ritmo frenético para impregnar de rebeldía o feito de adaptarse a canto cambio político sucede porque, ante todo, hai que sobrevivir.

Mamá siempre pensaba en casos de injusticia y enfermedades que hacían estragos por todas partes, pero al final encontraba algo que nos alegraba a todos. Papá decía a menudo: “Mamá es una santa”, pero de una manera un tanto burlona. Mis tías me dieron para leer la historia de una madre que recoge ramas en el bosque descalza, y llegan los lobos y se la comen.

Keny Arkana - Indignados

27/02/13

Flying Eye Books

Mirade que curta tan fermosa me mandaron!!!:

Flying Eye Books from James D Wilson on Vimeo.

Secreto de familia

Publicado por Fondo de Cultura Económica, este divertido Secreto de familia é da autoría de Isol: un álbum para ler cun sorriso polo argumento ben divertido e bastante veraz que nos ofrece: como somos cando nos erguemos? Seguro que podemos identificarnos con algún personaxe da historia! Fantasía infantil sobre o aspecto e a familia con ilustracións ben expresivas e simpáticas.

26/02/13

Il golosone

Porquiño goloso:

Il golosone por sanghi

Vía

El corazón y la botella

Directo ao corazón chega este álbum de Oliver Jeffers publicado por Fondo de Cultura Económica, El corazón y la botella. Unha fermosa metáfora que fala da perda e da esperanza, do bo que é sentir aínda que ás veces toque sufrir. Falar da morte non é doado: Oliver Jeffers conségueo cun texto sinxelo e unhas imaxes case esquemáticas sen flocos innecesarios porque a sensibilidade que move este libro é absoluta. Nel atoparedes tenrura e emoción. Porque... como afrontar a soidade, a adversidade, o sentimento de non poder seguir adiante despois de perder un ser querido? Como encarar unha vida que nos deixa orfos? Sempre hai unha solución, e esta non é agochar o corazón dentro dunha botella. Porque, ao fin e ao cabo, precisamos sentirnos vivos. E para isto ben que nos cómpre utilizar o corazón. Cantas veces non vos abraiades ao sentir tanto amor que nos asolaga por dentro?

"Había una vez una niña, como cualquier otra niña; tenía la cabeza llena de curiosidad por todas las maravillas del mundo, llena de imaginaciones sobre las estrellas, llena de asombro por el mar."