Ser amigos

Arianna Papini é a autora de Ser amigos, álbum infantil publicado por Kalandraka sobre a amizade, o afecto, o apoio incondicional, a confianza mutua, a ledicia, respeto, a igualdade, o cariño... todos e cada un dos tesouros que agocha a verdadeira amizade. Claro que, poderiamos engadir, ten que ser real, porque non sempre a amizade é o que semella. Pero isto é máis difícil de explicar, e o noso álbum, para os primeiros lectores, amosa o marabilloso que é ter un amigo en quen confiar. As ilustracións deixan claro que os amigos poden ser aparentemente ben diferentes pero non por iso van deixar de saber convivir en paz e harmonía.