Un agujero

O ano pasado naceu unha nova editorial cun nome ben curioso que de momento semella ben difícil de conseguir por aquí: estou a falar da editorial Sin Pretensiones. O libro que neste momento nos ocupa é Un agujero de Daniel Nesquens con ilustracións de Ana Lóbez. Un álbum surrealista onde texto e ilustración se funden misteriosamente e nos transportan a un universo descoñecido. Chama a atención a cor usada predominantemente, o vermello, que consegue un efecto turbador nunha historia dun buraco que nun principio semella ben perigoso.