Acuario

Publicado por edicións Embora, este poemario-álbum ilustrado de María Canosa con ilustracións de Dani Padrón ten como únicos protagonistas os habitantes dos fondos mariños. E isto ocorre porque aos humanos non nos é doado chegar ata alá o fondo, así que nada mellor ca un acuario para sabermos máis da solla, do polbo, da troita... todo tipo de peixes ou cetáceos que a autora converte en poemas musicais e coloristas. A maxia do mar versada e rimada para realizar un delicioso achegamento.