Un cadro de Van Gogh

Se vos gusta un cadro de Van Gogh que amosa a súa habitación e non sabedes nada del, esta é a vosa oportunidade. Da man de Kalandraka, Claire D'Harcourt explica con todo detalle o que nós estabamos vendo e non sabiamos interpretar. Así que abride o libro e explorade a arte: das vosas mans depende o paseo por este museo que cabe nelas. Porque así é Un cadro de Van Gogh, un percorrido polo cadro "A habitación de Van Gogh en Arles", descubríndonos certos de detalles que os non especialistas non sabían nin de lonxe; as pinceladas rápidas e sinuosas, as cores puras e intensas... E por se isto fose pouco, algo máis saberemos deste autor que en vida só vendeu un cadro e que tras a súa morte converteuse en todo un fenómeno artístico e de vendas.