Tal como adoita suceder coas obras publicadas por El Patito Editorial, o primeiro que chama a atención é a coidada e magnífica edición do libro. Logo, escoitamos o disco de Narf e admiramos as ilustracións de Fausto. E quedamos gratamente impresionad@s. Un elemento máis para traballar na aula e amosarlle ao alumnado como a nosa Rosalía de Castro é cada día máis e máis musicada. Ademais, un músico de Silleda para o meu alumnado de Silleda! Que máis se pode pedir para captar a atención?
Nas tardes escuras contén doce poemas (case todos de Follas Novas) musicados máis un texto recitado; música rockera marcada pola guitarra do artista e música pop combinada con recitados. As ilustracións tampouco vos deixarán indiferentes.
Nunca sospiro
Cabe das froles
Amores cativos
Pasade
Ódiote
Lúa descolorida
Ti onte, mañán eu
Bos amores
Follas Novas
Nas tardes escuras
Así semos.
Ningún comentario:
Publicar un comentario