Publica Xerais na súa colección "Merliño" este lindo libro de Concha Blanco coas ilustracións de Dani Padrón: As noites de Xián fala da morriña que sente un neno polo ruído do mar e iso consegue que non poida durmir polas noites. A autora procurará unha solución na mestura do fantástico e do real, e esta mestura tan complicada resólvese marabillosamente, completadas cunhas ilustracións acaídas que destacan a oposición entre a noite e o día pero que tamén constantan esa saudade do neno cando debe marchar cara ao interior. O resultado da expresiva suma entre texto e ilustración é por tanto magnífica, convertendo este pequeno álbum nunha opción preciosa de lectura para infantil.
Ningún comentario:
Publicar un comentario