O incomparable Tomi Ungerer implícanos na procura dun zapato neste álbum que vén de publicar Kalandraka: Onde está o meu zapato? é un texto do ano 1964 felizmente recuperado na nosa lingua. Un álbum que contén texto tan só na primeira e última páxina para propoñernos un xogo visual onde o zapato perdido transfórmase de cada volta. Así que estamos novamente ante a capacidade creativa dun xenio que nos sorprende novamente coa súa imaxinación e o convencemento de que o lector ou a lectora entrará no seu xogo gozando das posibilidades tan variopintas que ofrece un obxecto tan simple coma un zapato.
Ningún comentario:
Publicar un comentario