Jompirú

Gustavo Roldán e Raúl Nieto Guridi publican en Thule Jompirú, un álbum sobre a importancia da palabra e os contos. Un libro en tons escuros que falan de maxia, de crenzas, de ritos ancestrais. Da necesidade do ser humano da Literatura, deses contos "na lareira" que se están a esquecer. Porque somos materia narrada e narrable, porque todo canto temos ao noso arredor precisa das nosas palabras para ser nomeado. Sen a Literatura, sen a forza da Palabra, sen a Narración oral, viviriamos na noite, sen soños que atender nin vidas que procurar. Tal é a súa importancia.