Madre. Entre el sol y la noche

Que fermosísimo álbum este de Stéphane Servant e Emmanuelle Houdart que publica Libros del Zorro Rojo!  Madre. Entre el sol y la noche é un cántico de amor dun fillo á súa nai, unha oda chega de tenrura e de vinculacións sempre presentes, pase o tempo que pase, ou simplemente, pase o que pase. Ao mesmo tempo que se destaca esta relación, a través das ilustracións pasearemos por un xardín misteriosamente poético, onde a metáfora colorista destaca por riba de todo e onde o símbolo do amor maternal acompaña o texto de vén a resumir a calidez do amor dunha nai, e que este amor perdura no tempo para non desaparecer nunca.