Recupera a editorial Lata de Sal este clásico xaponés de 1974: O chaleco de Ratiño é de Yoshio Nakae e Noriko Ueno. Un rato que recibe un agasallo da súa nai, un precioso chaleco que pasará de man en man entre os animais do bosque porque a todos gusta e queren probalo. Pero, eses animais son a cada cal máis grande... e pasará o inevitable. Cun final que si será sorprendente e tremendamente simpático. Chama a atención nas ilustracións o verdadeiro protagonista do libro, a prenda de roupa, única nota de cor nas páxinas, que xuntos coas expresións divertidas dos animais, ou sorpresivas, fan deste sinxelo álbum un pracer literario. Un pracer xeneroso.
Ningún comentario:
Publicar un comentario