Dióxenes

Premio Lazarillo de Creación Literaria 2008, Dióxenes está ilustrado por Pablo Auladell e escrito por Pablo Albo. Un relato curioso, curiosísimo, dunha familia que colecciona todo o que atopa, dende o máis grande ao máis pequeno, e por suposto, desde a cousa máis enorme ata a máis ínfima. Co cal, resulta difícil vivir nesa casa onde apenas queda espazo para as persoas. De todos os xeitos, a colección máis importante é a do tío que vén de visita, pois é un coleccionista de cartas de amor, de tal xeito que estas, pola súa culpa, nunca chegan ao seu destinatari@. Nin sequera terán o seu destino se o escribinte é o propio tío. O que fai desta historia tan surrealista -case absurda- unha peza de tristura para lembrar, cun personaxe impregnado na nosa memoria lectora que logra conmovernos como ningún outro.
Paréceme un libro delicioso, ben artellado e interesante, con esas ilustración tan elocuentemente diferentes.