Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

31/12/16

A meniña de LIBROS

Cando o vin por primeira vez, estaba nun escaparate dunha libraría de Santiago. Era noite e estaba pechado. Pero tan pronto o vin, só co título, souben que a editorial era Patas de peixe. Non me preguntedes o motivo, pero sóubeno. E iso que de nada informa esta portada, agás do título. Claro que unha portada como esta, con ese título, cun libro e unha chave, é máis ca suficente, non credes? Así que o libro conquistoume dende xa. Tamén teño que dicir que eu son unha facilona, deseguida namoro. Tampouco é que cumpra moito máis...
EStou a falar dun álbum de Oliver Jeffers e Sam Winston titulado A meniña de LIBROS, que vén a ser como unha homenaxe a toda a Literatura, xa que o libro transcorre por un mar de palabras que atravesan contos de fadas e montañas fantásticas, aventuras que só podemos atopar nos libros ou que só viven algúns escollid@s... todo aquilo que un libro nos proporciona está resumido aquí, nestas páxinas cheas de letras que forman paisaxes tipográficas nun abraiante poema de fomento de lectura.
Si, un deses álbums tesouro que temos nos andeis... 







Eu son Suleimán

Vén de publicar Kalandraka baixo o seu selo Faktoría K esta tradución do libro de Antonio Lozano, Eu son Suleimán, un retrato moi vívido do drama da emigración na voz do protagonista, quen nos conta non só os avatares polos que pasa un emigrante que desexa procurar unha mellor vida, senón tamén por que se converte en emigrante e cantos sufrimentos ten que sobrelevar. E non, non agardedes un final feliz de conto de fadas. Esta narración, xa digo, é moi real, e a vida ofrece máis sufrimentos ca ledicias.
Suleimán é un neno mandinga que quere fuxir da miseria e da fame do seu país; calquera pode ser Suleimán. Suleimán non só o intenta unha vez, senón dúas, perdendo os mellores amigos polo camiño; calquera pode ser Suleimán. Suleimán non é deportado por sen menor de idade e vai á escola en España; calquera pode ser Suleimán. Cando é maior de idade, ponse a traballar pero é un indocumentado; calquera pode ser Suleimán. E así...
Estamos ante unha lectura poderosa que conta sen remilgos a actualidade e o sufrimento. E conta como miramos nós ese drama doutras persoas, como miramos a diferente cor da pel, como xulgamos sen saber. 
Lembroume en moitos aspectos o libro de Manuel Núñez Singala, Camiños na auga. Ambas novelas contan situacións semellantes, pero o libro de Singala é máis esperanzador ca este. Ambos contan un periplo vital dunha situación terrible, narran un sufrimento vivencial semellante, pero ao rematar esta lectura quedamos sen esperanza, esa mesma ausencia que sofren millóns e millóns de persoas e que tantas veces non queremos ver.
Así que ao comezar o curso, alá vou ás aulas co libro baixo o brazo. Lerano, seguro.

30/12/16

¡Paténtalo!

¡Paténtalo! El libro de los inventos útiles y disparatados de la Historia é un divertido e sorprendente álbum que está en todas as listas de mellores álbums deste ano que remata mañá. Publicado por Ekaré, é de Matgorzata MycielskaAleksandra Mizielinska e Daniel Mizielinski. Inventos de todos os tipos, coñecidos ou non, incribles ou non, prácticos ou non. Polas páxinas do libro recrearemos nimios detalles, trasladarémonos ao momento histórico en que foron oideados os inventos, e sobre todo, sorriremos. Porque o libro desprende humor dende a propia portada. Máis ca un álbum, semella un cómic, porque emprega a técnica dos "bocadillos" e polo dinamismo aplastante que utilizan as páxinas.



 

Unha mosca agradecida

Agradecida estou eu polo agasallo que me veñen de facer Miguel Ángel Alonso Diz e Luz Beloso con este novo álbum que ademais trae sorpresa, un CD musicado por Malvares de Moscoso, Servando Barreiro, Miguel Alonso e Fernando Shey Pedrido Mariño co que poder gozar da poesía cantada. Porque a poesía é maxia, e aquí topámola por todas partes: nos versos, nos poemas, na música, na ilustración. Unha enchente que vén de ser publicada por Nova Galicia Edicións. Unha mosca agradecida conta co luxo do prólogo dun dos grandes, Antonio García Teijeiro. Pouco máis se pode pedir que mergullarse nos seus versos e pechar os ollos para cantar en variedade de ritmos e voces.
Fomento da lectura, defensa da nosa lingua, humanidade... son temas que poderemos ler nos versos deste álbum que permite profunda no mundo dos soños, eses que ás veces compartimos, esoutros que outras veces son individuais.


29/12/16

Qué es la Libertad

Moito me gustou esta proposta que nos fai a editorial Thule da man de Renata Bueno: Qué es la Libertad é un xeito de facer poesía a base de  ilustración sen palabras. Porque as palabras serven para preguntar por este concepto tan grandilocuente e necesario, pero a ilustración serve para dar resposta gráfica. Porque a liberdade é diferente, así nolo amosa o álbum. Mesmo podemos quedar sen resposta a pregunta tan complicada.
E ti, como a definirías sen palabras?

Xogar non entende de xénero

Dende El Huffington Post chego a esta publicidade de Audi e a esta boa nova:

Comezan diferentes iniciativas que pretenden acabar cos estereotipos de xénero, raza ou sexualidade. O universo infantil comeza a se descolorear de rosa e azul. A marca alemá Audi súmase a este movemento e pon en marcha unha orixinal campaña, baixo o hastag #CambiemoselJuego.

La muñeca que eligió conducir 
A boneca que elixiu conducir

28/12/16

Pequeño zapatero

Curta animada sen palabras:


Paso a paso


Topamos en edicións Ekaré este alegato pacífico contra as minas antipersoa que tantos estragos teñen causado e aínda causan, desta volta a vítima será un elefante que terá que aprender a vivir coa súa posterior perna ortopédica. Jane Jolly e Sally Heinrich son as artífices deste Paso a paso que vos recomendo para non esquecer xamais a tremenda realidade que noutros lugares se vive.



No seu despregar

Despregan a súa delicadeza as editoras de Apiario con cada nova entrega, desta volta cun libro de poesía de mozos e mozas ben nov@s, tanto que tod@ naceron entre os anos 1985 e 1997. Moitas voces case descoñecidas a carón doutras ben coñecidas no noso panorama literario, como por exemplo Gonzalo Hermo, Rosalía Fernández Rial ou o recentemente finado Francisco Cortegoso. O título non deixa lugar a dúbidas: No seu despregar, onde nos amosan as voces de Afonso Traficante, Afra Torrado, Alba Cid, Alicia Fernández, Atón Blanco, Celia Parra, Helena Salgueiro, Ismael Ramos, Jesús Castro, Lara Dopazo, María Vilas, Noelia Gómez, Olalla Tuñas, Paula Antía Rey Baliña e Tamara Andrés. O trazo que teñen en común? A poesía. Coido que non hai máis que un afán enconmiable de nos amosar a novas voces que deberemos coñecer porque no futuro lerémolas en moitas ocasións. Están unid@s pola xuventude, polo afán de crear, polo misterio do verso infinito. Unha ollada necesaria para coñecermos as voces que impulsan a escrita poética actual, unha poesía que dá voz a todo acontece na actualidade dende unha ollada moza, sen complexos, unha ollada necesaria e purificadora que fala da súa individualidade e da súa necesidade da escrita.

A dúbida é un deserto inzado de espellos.
Esgazas os pés na procura
o teu norte
é a fame.

(Celia Parra)


27/12/16

La Luna

Esta curta colgueina hai varios anos, pero paga a pena recuperala. Aquí recordáronma:


El Bosco

Thé Tjong-Khing é o autor desta marabilla sen palabras que publica Ekaré e que está considerado como un dos mellores álbums do ano: El Bosco. La extraña historia de Hieronymus, el gorro, la mochila y la pelota é un deses libros nos que te podes perder durante horas contemplando as súas ilustracións, que non deixan de abraiar o lectorado cada volta de folla. Semella moi arriscado que un álbum poida introducirnos nun mundo tan fascinante como é o do pintor; eu, que tiven a sorte de poder ver hai pouco en Madrid a exposición, gozo agora recreándome neste álbum cheo de criaturas extraordinarias onde nada é o que parece.
A obra deste ilustrador baséase en detalles de oito obras de El Bosco que están citadas ao final do libro, xunto coa ilustración da que seguramente é a súa obra de máis sona.








El animalario vertical

Xenial este libro que publica Fondo de Cultura Económica de Miguel Murugarren coa colaboración do Premio Nacional de Ilustración 2016, Javier Sáez Castán. Desta volta, estamos convidados a consegur todo tipo de fauna de pé, todo un espectáculo ao que entrar gratis e xogar coas ilustracións novamente. O espectáculo represéntase no Palacio da Evolución, e só temos que comprar unha vez o libro para asistir cantas veces queiramos. Unha gozada!

26/12/16

Apocalyptos

Xa que andamos en época de deuses, esta curta évos ben acaída. Sen palabras:





Vía

Leocadio, un león de armas tomar

Achéganos a editorial Kalandraka este xenial clásico de Shel Silverstein, Leocadio, un león de armas tomar. Unha crítica social agochada nun conto no que un león atípico non se dá atopado a si mesmo. E é porque as contradicións da nosa sociedade golpéano constantemente unha e outra vez, sen conseguir topar unha felicidade que semella unha quimera e que desde logo non dá a nosa economía. Asemade, o libro constitúe un alegato ecolóxico nun tempo que tanto cómpre cando sabemos de tantas persoas influíntes que negan o cambio climático ou que gozan cun inverno en Galicia inexistente. Non sei eu se serán quen de entender con libros coma este a necesidade de coidar o planeta...
Unha ilustracións esquemáticas cheas de expresividade rematan un conxunto que resulta imprescindible.

#NavidadSinCocaCola

25/12/16

Vida Maria

Non á violencia contra as mulleres (CDXCVI)



24/12/16

Calor de Nadal

23/12/16

Mouse for sale

21/12/16

¿No te ha pasado que...?

20/12/16

Sentador de madres, navidad en igualdad

 Locas del Coño  vén de realizar esta xenial sátira sobre o papel das mulleres durante as festas, calquera festa, aínda que agora falemos de nadal. Non saquei a sogra da cabeza mentres vin o vídeo!

Un gran regalo este, un "sentador de nais" para un nadal en igualdade.




Visto aquí

19/12/16

Adondar a lingua

"Adondar a lingua" é un videopoema que fala do amor pola lingua e das raíces emocionais que a ela nos unen. Do papel da familia como transmisora de apego pola nosa cultura e tradicións. 


"Adondar a lingua" videopoema from Celia Parra on Vimeo.

18/12/16

Poilus

Curta de animación sen palabras sobre a guerra:




Vía

Enigmas

Se onte xa vos falaba do meu amor por Caperuza, que vou dicir hoxe deste Enigmas que publica tamén Thule de Beatriz Martín Vidal. Co seu estilo inconfundible, o tema a tratar é semellante, ou sexa, os contos tradicionias, aínda que este resulta moi diferente porque xira ante unha serie de preguntas sen resposta inmediata; estas preguntas están nunha dobre páxina cun pequeno motivo ilustrado en branco e negro, e a resposta virá a modo de ilustración na páxina seguinte, ou sexa, a resposta deberemos interpretala e está como afastada da pregunta, pero ambas, claro está, necesítanse. Así, unha soa ilustración pode ser concibida como unha pequena historia no maxín do lector, quen debe despregar as súas propias destrezas.
Unha gozada.

Caperucita Roja
¿Qué encontró?
Qué aprendió en el tiempo
que estuvo allí dentro,
en lo profundo del gran,
gran, gran lobo feroz?

Non á violencia contra as mulleres (CDXCV)


Cando es violada e non te cren.
Dende aquí:














O relato:

Me llamo Ana y, hace unos años, fui violada. El agresor, a quien yo conocía, era en ese momento en quien más confiaba. No denuncié inmediatamente; lo cierto es que me costó mucho contárselo a alguien. Primero guardé silencio, tratando de comprender yo sola cómo algo así podía estar ocurriendo. Lloré mucho, me castigué, traté de apartarlo de mi cabeza y, al final, un día, fue incontenible: acudí a dos amigas y les conté lo que pude. El resto, lo que no fui capaz de expresar en palabras, lo dibujé.
Apoyada en esas amigas y en unas pocas personas más a las que mencioné lo sucedido, finalmente inicié un proceso judicial contra él. Aunque, la verdad, en todo momento sentí que quien estaba siendo juzgada era yo. Allí donde pensé que iba a encontrar justicia, me vi tan maltratada que desistí y abandoné el proceso.
Hoy vuelvo a contar aquí mi historia, con la distancia que da el tiempo, porque sé que hay más mujeres en mi situación a quienes puede llegar este relato y que necesitan saber que creemos en ellas, en su verdad.

Llegué a España en marzo del 2011. No vine por elección, sino como una refugiada que tuvo que salir aprisa de su país, Guatemala, por encontrarse en el lugar y el momento equivocados. Él apareció justo entonces. Aunque intervinieron más personas, se arrogó todo el mérito de haberme sacado del país. No cesó de repetírmelo después: como si le debiera la vida y, por ello, tuviera que pagarle con mi cuerpo.
Pero yo conocía de antes a Siddhartha M. Había sido mi profesor en la universidad y, mientras fui su alumna, él ya intentó ligar conmigo. Yo sabía de su fama de mujeriego y, aunque en aquel momento no identifiqué su insistencia como acoso, lo rechacé varias veces y seguí con mi vida.
Aparte de no sentir interés por él de esa manera, me sentía obligada por las creencias religiosas en las que fui criada a mantenerme virgen hasta que encontrara a la persona correcta. En Guatemala, siempre tuve le sensación de tener que protegerme. Reglas sencillas para mantenerme a salvo: nunca ir sola de noche por las calles y mantenerme lejos de extraños. Siguiéndolas, de alguna manera sentía que tenía el control sobre mi vida y sobre lo que me pasaba.
A diferencia de cuando llegué a España. El aeropuerto ya fue todo un choque. Durante dos horas estuve ahí plantada, entre personas que se reconocían y se abrazaban. Atrás quedaba todo lo que había sido mi mundo hasta ese momento, lo que me daba seguridad y cimentaba mi vida: mi familia, mis estudios, mis amigos. Y por fin llegó él, una cara conocida en medio de toda esa gente, alguien que prometió cuidar de mí.
O eso pensaba yo. Porque, haciéndome creer que me había salvado, poco a poco fue adueñándose de mi vida. Impuso sus reglas desde el momento en que llegué. Por ejemplo, me convenció para guardarme el dinero de manera que, cuando lo necesitaba, se lo tenía que pedir. Como él no tenía casa en Madrid, me tuvo deambulando entre la casa de P., en Alameda de Osuna y la casa de M., en Malasaña, ambos amigos suyos a los que yo no conocía y casa donde siempre resultábamos los dos solos. No quiso llevarme a la sede de la asociación que me recibiría, me mantenía siempre a su lado y controlaba en todo momento con quiénes me relacionaba.
Nunca había sido tan vulnerable ni había estado tan indefensa como en aquellos días, y él lo sabía. Ahora sé que ya tenía decidido que me rompería emocional y físicamente. De hecho, los abusos físicos empezaron la primera noche en Madrid. Pese a que le dije que estaba agotada del viaje, me llevó del aeropuerto a la casa donde decidió que dormiríamos dando un larguísimo rodeo a pie. Llegué allí completamente desorientada y, sin apenas fuerzas para mantener los ojos abiertos, me encontraba sus manos hurgando en mi cuerpo. Hasta llegué a pensar que había sido un mal sueño. Pero, a la mañana siguiente, me lo dijo con toda naturalidad:
– “Ayer te toqué el culo, espero que no te importe”.
Ante mí lo hacía parecer un juego, y el reto que se impuso fue doblegarme y que yo aceptara el papel que me había asignado. En su juego, yo era una niña ignorante de sus propios deseos, que decía “no” cuando en realidad quería decir “sí”. Él se reservaba el rol de maestro que me mostraría los “placeres del sexo”, aunque yo no quisiera. Estaba seguro de que conocía mis necesidades mejor que yo misma. También decía ser superior al resto de los hombres, porque se atrevía a vivir la vida que los demás deseaban, con decenas de amantes que lo respetaban y a quienes él adiestraba sexualmente para luego dejarlas ir.
– “Yo no soy un hombre. No soy humano. Soy un oso. Puedo ser tu oso de peluche”.
Sabía ser encantador y me hacía creer que era un amigo preocupado por mí. El único, ya que había logrado aislarme y hacerse imprescindible en mi nueva vida. Situación que se acentúo porque por aquellos días murió mi madre. Quedé devastada. Entonces más que en otros momentos necesitaba confiar en él cuando me decía que no haría nada que me dañara.
Pero la realidad era bien distinta. Ante mis negativas, él cambiaba rápidamente de disfraz:
– “También puedo ser un samurái”.
Cuanto más me negaba, más desafiante era el juego para él. Me llamaba “necia”, “reprimida”, “berrinchuda”. Mientras sus manos recorrían mi cuerpo me decía que él, a diferencia de los demás hombres, tenía la determinación de un samurái. Y también su autocontrol.
“Tus esquemas se están rompiendo y eso te da miedo pero soy capaz de controlarme”, repetía mientras me quitaba la camiseta: “¿Ves? Cualquier otro, en mi lugar, ya te habría violado”.
Dije que no. Siempre dije que no: lo expresé con palabras, con forcejeos, con llantos. Pero él no paró. Así que en algún momento, simplemente, mi ánimo se quebró y mi voz se ahogó. Para él fue una victoria y ya no hubo límites.
En la que fue mi primera experiencia sexual, Siddhartha M. me violó. Me obligó a llamarle “amo” y a repetir que yo era “su puta”. No cumplir sus órdenes conllevaba un castigo. Me hizo ver porno para aprender a practicarle felaciones. Después decidió “acabar en alguno de mis agujeros”, lo que resultó en una penetración por vía anal.
Ató un cinturón alrededor de mi cuello, me hizo andar a cuatro patas, desnuda, y mirarme al espejo para reconocerme como “su perra”.
“Su puta”. Así nombró lo que quedaba de mí después de la demolición que poco a poco había hecho de todo lo que yo era. “Si hablas de esto —dijo—, de mí ya saben que soy un libertino, pero de ti todo el mundo pensará que eres eso, una puta”. Me hizo sentir tanta vergüenza de mí misma que, efectivamente, no hablé de ello durante mucho tiempo. Me lo guardé junto a mi sentimiento de miedo y asco. Y me culpé una y mil veces sin poder explicarme lo que había pasado.
Pero en la cena de Navidad de ese año, en casa de una amiga, yo, que había estado conteniéndome durante tanto tiempo, tuve una terrible crisis de ansiedad y conté lo que pude. Desde el primer instante ella creyó en mí y, a pesar de que él también era conocido suyo, me motivó para denunciar. Pero yo no estaba preparada.
La segunda persona a quien decidí contarle todo fue a S., la ex-esposa de mi agresor. Ambos mantenían una relación muy íntima y yo veía en ella a una especie de segunda madre aquí en España. Pero, como una madre que elige proteger a su hombre y no a sus hijas, S. no quiso apenas saber del asunto. Le escribí una carta para explicar lo ocurrido. Me dijo que mentía y que todo lo que hubiera pasado entre nosotros dos habría sido fruto de una relación consensuada entre adultos.
Me costaba dormir, comer, levantarme por las mañanas, salir de casa… En muchos momentos, pensé que no valía la pena seguir viviendo. Fui medicada por ansiedad y por depresión, pero la medicación sólo conseguía anestesiarme. Cambié entonces a una psicóloga especialista en agresiones sexuales y en algún punto comprendí que lo que había pasado no era mi culpa, que él era un agresor sexual y que debía enfrentar las consecuencias de sus actos.
Decidí iniciar un proceso judicial en su contra. Creí en la justicia. Me equivoqué. El proceso fue devastador. Pasé por varios juristas y psicólogos que ni comprendieron ni creyeron mi historia, como tampoco la creyó, finalmente, la jueza del caso. Me acribillaron a preguntas que no buscaban esclarecer los hechos, sino convencerme de que era yo la culpable. Me hirió profundamente la desconfianza y la falta absoluta de empatía con que me trataron. En esa sala, las vejaciones a las que me había sometido mi agresor no eran más que puntos en una enumeración burocrática destinada a acabar en un archivo.
Finalmente, me hundió no sólo contemplar cómo creyeron su versión, en la que incluso llegó a negar todo, sino tener que tragar con prejuicios tales como que al tener estudios superiores o pertenecer a una asociación no podía haber sido violada.
Así que volví a enterrar aquello de lo que ya había comenzado a liberarme y seguí con mi vida como pude. Ahora, me asusta imaginar a cuántas personas conocidas puede llegar este relato y los dibujos que tanto me ayudaron a expresar lo que no podía contar con palabras –esos que la forense ni siquiera quiso ver–, pero también albergo la esperanza de que con ello pueda ayudar: a poner en contacto a otras mujeres en mi situación, a plantear que existen violaciones de las que nadie habla y, sobre todo, a decirles a todas las mujeres que han pasado por algo así, a todas las que han asumido una culpa inmerecida cuando un conocido las violó: “Yo te creo”.

17/12/16

Prayer Of The Mothers

Milleiros de mulleres hebreas, musulmás e cristiás camiñaron todas xuntas en Israel, pola paz.
No novo video oficial do movemento Women Wage Peace, a cantante israelí Yael Deckelbaum canta a canción Prayer of the Mothers, xunto a mulleres e nais de todas as culturas, amosando que a música axuda a mudar a realidade.
Shalom Salam Paz

Grazas, Pilar Ponte

Caperuza

Coñecín o traballo de Beatriz Martín Vidal en Birgit e conquistoume para sempre. Agora vólvoa topar nesta incrible Caperuza publicado por Thule. Unha versión da Carapuchiña de sempre, a clásica, esa da que coñecemos tantas versións diferentes que non sabemos nin cal é a real, e que aquí precisa da propia lectura persoal para darlle un significado pleno, xa que o relato sen texto necesita do noso coñecemento previo do texto. Así, as ilustracións resultan oníricas e mesmo podemos sentir a ambigüidade das Carapuchina versionada. Unha versión, esta, que se centra nos tres momentos máis importantes do conto: o momento de transformación da protagonista (“Enrojeciendo”), o encontro co lobo (“El juego de las preguntas”) e a loita e vitoria da nena sobre o animal (“Escapando”).






Dreams of Dalí: 360º



Visto aquí

16/12/16

Frida Kahlo, una biografía

María Hesse é a artífice deste precioso álbum sobre Frida que publica a editorial Lumen: Frida Kahlo, una biografía é un camiño ilustrado por unha vida apaixoante onde a dor e a arte conviven en primeira persoa, con ilustracións que veñen a ser unha alegoría metafórica da biografía da artista máis admirada nos últimos tempos, esa que ao final fixo o que quixo e se converteu nunha icoa feminista. Polas súas páxinas percorreremos a través da dor, da enfermidade, pero tamén do amor, da arte, e de toda contradición do ser humano que en Frida se manifestaba na dependencia versus independencia da súa propia loita. Quedan patentes nestas cores que nos regala o libro a ledicia de vivir que manifestaba a pesar de todo a pintora. Porque sufrimento e ledicia pasean da man para compensar un co outro.
Un novo libro para achegarnos a esta muller a quen admiradmos dun xeito pracenteiro. Porque ser, é precioso.




Vivir da escrita

"La Charte des auteurs et des illustrateurs pour la jeunesse", unha asociación francesa que representa a escritor@s e ilustrador@s de literatura infantil e xuvenil, realiza esta gráfica campaña para deixar claro a realidade na que viven e convidarnos a pensar sobre isto:







Visto aquí

15/12/16

OK Go – The One Moment



Toda a información sobre o vídeo aquí, en Eldiario.es

Promesas


Seguindo coa mesma triloxía ("La Trilogía del Norte") da que comezamos a falar o outro día, está estoutro álbum Promesas, ilustrado por Ana Juan con texto de Matz Mainka. Seguimos coa mesma atmosfera e estética gótica onde destacan as cores grises e vermellas nun novo relato estremecedor onde o amor con seis promesas é, novamente, o protagonista.
Falamos da colección Contempla na editorial Edelvives.



El papel de la mujer en el cine de Hayao Miyazaki

Interesante vídeo sobre a obra de Hayao Miyazaki realizado por Ángel Cuartero:

El papel de la mujer en el cine de Hayao Miyazaki from Ángel Cuartero Ropa on Vimeo.

14/12/16

Calle 13 - Latinoamérica

Os tres porquiños

Vén de publicar a editorial Kalandraka esta adaptación de Xosé Ballesteros do conto tradicional Os tres porquiños con ilustracións de Marcos Somà, que chaman a atención pola expresividade extraordinaria que lle confiren aos personaxes, de sobra coñecidos -cun algo en común, o medo- e a plasticidade que rodea todo o álbum, cheo de detalles, nunha nova caracterización de todos eles, facendo desta proposta un recurso ideal para contar cos máis pequenos e xogar canda a lectura.

Las mujeres en la ciencia

 Dende Mujeres con Ciencia:

Un divertido vídeo de Mache González.
En clave de humor, fálase da ciencia das pioneiras a través de cinco mulleres: a inventora María la Judía, a filósofa Hipatia, a astrónoma Carolina Herschel e as matemáticas Sophie Germain e Maria Gaetana Agnesi.

13/12/16

ROSE CYBERPUNK

Hermanas

Ana Juan é unha das miñas ilustradoras de cabeceira, por iso cada vez que vexo algún libro seu, a tentación vénceme. Teño que telo, non hai remedio. A editorial Edelvives vén de publicar na súa colección "Contempla" unha triloxía ("La Trilogía del Norte") da que esta Hermanas forma parte, con ilustracións de Ana Juan e texto de Matz Mainko. Ambientación gótica, grises e vermellos para un relato estremecedor e escuro onde o amor, a todos os niveis, é protagonista. Álbums que garantes que a edición ilustrada non é infantil.
Para perderse.

Wanderers

Visión da expansión da humanidade no Sistema Solar, en base ás ideas e conceptos científicos do que puidese ser o noso futuro no espazo.
Visto en Cultura Inquieta.

12/12/16

Raphaël

Son de arqueoloxía

11/12/16

Le Bal Des Méduses

As almas grises

Que ledicia ver novamente un libro dun dos meus autores preferidos na nosa lingua! Falo de Philippe Claudel e é grazas á editorial Rinoceronte que agora podemos ler As almas grises en galego. Asegúrovos que unha vez lido non poderedes entrar nunha libraría sen botar unha ollada buscando algo del.




Almas grises deixa o gris na alma cando rematas a súa lectura. O entusiasmo vén posteriormente, cando sacodes a tristura que este libro transmite. Unha tristura inherente ao lirismo que impregna toda a obra. Porque o libro vai máis alá do que nos conta a acción, un caso de asasinato dunha nena ocorrido hai vinte anos, coa desazón que provoca a bruma das nosas vidas, os recunchos das nosas almas, xa que non hai ninguén tan malo como semella, aínda que hai moi boas persoas, tanto "que ata a morte as quere con ela". No mundo non abundan os bos sentimentos porque a dor os destrúe. O mundo fai que sexamos grises, é o mundo quen ten o poder de nos cambiar.
O final é totalmente arrollador. O drama verdadeiro que se agochaba ata as últimas liñas.
Hai que lela. Mellor dito, hai que ler a este autor, por imprescindible. Porque é poesía transformada. Porque é auténtico. E máis.

Non á violencia contra as mulleres (CDXCIV)

A Poeta india Rupi Kaur denuncia nos seus versos a discriminación sexual e a violencia de xénero:

"tenías tanto miedo
de mi voz
que decidí
tenerle miedo yo también
-
cuando mi madre abre la boca
para tener una conversación durante la cena
mi padre empuja la palabra silencio
entre sus labios y le dice que
nunca hable con la boca llena
así es cómo las mujeres de mi familia
aprenden a vivir con sus bocas cerradas"

10/12/16

Entracte

Curta animada sen palabras:


O momento perfecto

Susanna Isern e Marco Somà presentan en O momento perfecto publicado pola Fragatina, un álbum tenro e doce onde todo é placidez, amabilidade, bonhomía e amizade. Aínda así, o libro consegue transmitir un certo misterio dende o principio, resolto ao final con certa sorpresa e con moita orixinalidade.
Por suposto, as ilustracións merecen unha mención especial, porque estamos ante imaxes que semellan poesía. Xulgade vós:



Peixes artistas

09/12/16

Cómo esconder un león en la escuela

Helen Stephens é a autora de Cómo esconder un león en la escuela publicado por B de Blok. Un divertido álbum (que prosegue o anterior Cómo esconder un león) que nos conta a prohibición sobre a mascota dunha nena de acompañala nas súas tarefas, xa que esta mascota é tan peculiar que dá medo. Pero demostra que se pode ser un león pacífico que o único que pretende é axudar e querer, ou sexa, ser querido. E abofé que o conseguirá! Un libro ideal para a infancia que combina perfectamente o humor coa ilustración, xa que o animal voará libremente polas súas páxinas, facéndose, como é loxico, dono delas.

Pioneras del cine: al margen de la industria

08/12/16

Las gemelas de la calle Poniente

A caixiña dos rancores

O Premio de Literatura infantil e  xuvenil Raíña Lupa 2015 recaeu no libro de Héctor Cajaraville que vén de publicar Xerais,  A caixiña dos rancores. Vidas cruzadas. Un escritor que ultimamente semella ter a habilidade de levar todos os premios literarios do país, cando menos na LIX. 
A caixiña dos rancores é unha novela de lectura áxil, interesante, na que resalta a historia dunha amizade interxeracional e o cariño que esta promove. Unha novela de corazón, como nos anticipa a portada, onde un mundo por descubrir, agochado moitos anos, é o latexo que impulsa a lectura e a acción dos mozos, mentres lembramos historias reais que supoñemos foron inspiración para a novela. Esa especie de violencia contra familias humildes, contra nais solteiras, contra mulleres soas. Malia iso, resulta pouco crible a confesión e achegamento dunha señora da alta sociedade que non dubida nin un instante a contalo todo a dous adolescentes estraños. Esta parte, e algunhas páxinas que pecan de didactismo, coido, son as únicas eivas que presenta a novela. Unha novela que, creo eu, vai gustar entre a adolescencia (pronto o comprobarei).
O máis destacable é sen dúbida o personaxe da señora maior, Chiruca, o sarcasmo e o humor do que goza, un retrato ben feito dunha xeración que padeceu pola súa condición de criada pero que non garda rancor ningún á sociedade.

O mellor anuncio do nadal

Vin no País que este era o mellor anuncio de Nadal deste ano e achegueime curiosa. A verdade é que está francamente ben. E vén de Polonia:
English for Beginners (Inglés para principiantes) 

07/12/16

A sociedade literaria e do pastel de pel de pataca de Guernsey

Sempre é un pracer celebrar a publicación de traducións á nosa lingua, coma esta que agora nos ocupa da editorial RinoceronteA sociedade literaria e do pastel de pel de pataca de Guernsey de Mary Ann Shaffer e Annie Barrows, unha novela emotiva de xénero epistolar:

as cartas vannos mostrando os personaxes, o argumento, a delicia da lectura.
A reconstrución do ser humano despois da II Guerra Mundial pon en contacto a persoas afastadas que teñen en común a paixón pola lectura: esa mesma paixón que a nós, lectores, nos fai gozar coas súas páxinas, coa súa tenrura, coa amizade que destila, coa indignación que provoca o sufrimento e a morte inxusta.
O título é orixinal,  e sen ser unha obra mestra, déixase querer, harmoniza as palabras e a acción de tal xeito que atrapa o lector, quen desexa avanzar paulatinamente para non acabar demasiado rápido con esta lectura amena e agradable que vos recomendo. Unha lección, ademais, sobre a importancia dos libros nos momentos cruciais e como estes mesmos poden axudar a salvarnos das peores situacións.

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.