Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

31/12/11

Un novo ano

Anxo e mais eu, brindando por tod@s vós, dende o blogue
Ilustración de Inge Look. Vía

F
eliz ano que nace, que sexa mellor para a nosa lingua e para a nosa cultura, que non sexa tan malo como nolo pintan.

(il·lustració de Laimonas Šmergelis)
Vía

Agardando as doce campás, ilustración de Nuria Feijoo

Vía




30/12/11

Pluviam 2012

Para medrar hai que mollarse.
A ver se chove algo máis no 2012, que ben nos cómpre.

Pluviam 2012 Animation from Pluviam on Vimeo.

Y entre líneas... un pirata



Simpático álbum poético de Zandra Montañez con ilustracións de Cristina Peláez que publica Mil y un cuentos: Y entre líneas... un pirata é un xogo rimado de versos e palabras que se saen dun libro para volver a el. Un fermoso xogo poético infantil que nos lembra aquela Canción do Pirata de Espronceda: combinación de piratas, aventuras, amores e poesía. As ilustracións representan tanto os saltos de páxina coma os saltos do mundo real ao ficticio, polo que resultan dinámicas, xogando coa tipografía do texto segundo o que se queira representar. De todos os xeitos, o texto non me acabou de convencer.


Hace años, muchos años,
y sobre el viejo anaquel,
descansaba el libro aquel
con esos cuentos de antaño.
Con una señal marcada,
la página del pirata
que con casaca escarlata
emprendió dura emboscada.
Quería ver a su amada,
la bruja Marina Puerto,
que lo dejó medio tuerto
por ir cortejando a un hada.
Se fue la bruja Marina
con el pirata Merlín,
de uno a otro confín,
de la Antártida a la China.

Sacó iracundo su espada
y trepó por los renglones,
y vocales a empujones
lanzó contra la portada.
La eñe se le enfrentó
y le dijo: —¡¡Bandolero!!
Con varias letras te espero,
abajo, en otro renglón.

Las consonantes, armadas
con varios puntos y comas,
se escondieron tras las lomas
en un cuentito de hadas.

Asustó a los tres cerditos
al brincar desde el bajel
con ese grito tan cruel:
—¡¡¡Que los aplasto, gorditos!!!

Con su casaca escarlata
y sus botas de charol,
se embarcó nuestro pirata
hacia un poema de amor.

Estatísticas e cubos

Recomendoumo un matemático e voullo dedicar a outro matemático, que vén de pasar uns días terribles e que agora semella ver a luz novamente. Grazas a ambos e moita sorte. Que o novo ano sexa matematicamente marabilloso.
Vídeo en stop motion, Proteigon, con transformacións non-demasiado-ríxidas:

PROTEIGON from BURAYAN on Vimeo.


Estoutro vídeo cunha perspectiva curiosa das estatísticas (diagramas de barras, diagramas de sectores...):

29/12/11

Homeless

homeless from yevgeni krachak on Vimeo.



Vía

Con el agua al cuello

A verdade é que me gustou moito máis do que agardaba este Con el agua al cuello de Petros Márkaris, publicado pola editorial Tusquets. Divertido, rabiosamente actual, desmontando clixés, atacando a crise actual, o escritor grego ofrécenos, cargado de humor acedo, unha panorámica moi actual da sociedade grega actual baixo a investigación de diversos asasinatos. Un dos atractivos da novela, ademais da actualidade, é a figura do investigador, un comisario irónico e intelixente que convive cunha esposa de carácter que non lle cala a nada. O outro atractivo fundamental, como xa dixemos, é o feito de desenvolverse no verán do 2010, nun país sumido na brutal crise económica da que aínda non saíu e que tomará voz constantemente ao longo das páxinas: recortes, manifestacións, folgas, protestas... e corrupción xunto con delitos finaceiros.
Así, a novela negra convértese tamén nunha novela social actual, realista, que mesmo introduce a final de fútbol de España, escena que tampouco ten desperdicio mesmo polas razóns que impulsan aos gregos para pórse a carán dos españois. A ironía e o sarcasmo que salpican as páxinas son unha gozada.
Ides pasar un tempiño ben agradable na súa lectura. Sobre todo naqueles momentos en que o protagonista fala de que fai o que fai como bo grego, como o uso do "tonton". Para troncharse.

Fotciencia 2011

Imaxes premiadas este ano en Fotciencia, o certame de fotografía científica convocado polo Consello Superior de Investigacións Científicas (CSIC) e la Fundación Española para a Ciencia e a Tecnoloxía (FECYT). O seu obxectivo é achegar a ciencia e a tecnoloxía aos cidadáns mediatne unha visión artística e estética a través de imaxes científicas.




Vía Microsiervos

28/12/11

Rekord

Sean Thompson realiza esta curta, inspirada na vida e morte do piloto Alemán Bernd Rosemeyer, quen morreu en 1983 cando tentaba bater un novo récord de velocidade.


REKORD from Sean Thompson on Vimeo.



Vía

Mi tía Etelvina es un crack

Los misterios del señor Burdick


Fermosísimo e intrigante álbum este de Chris Van Allsburg: Los misterios del señor Burdick publicado por Fondo de Cultura Económica que ben nos pode servir nas aulas como exercicio de escritura literaria. O libro conta a historia dun vello editor de libros, Peter Wenders, que ten no seu poder catorce fermosas láminas que trinta anos atrás lle deixara Harris Burdick como mostra do seu traballo, pero quen nunca volveu. Parece ser que ata Stephen King se baseou nunha destas ilustracións para escribir unha das súas historias: “El despegue de la casa de la calle Maple”.
Unha proposta diferente que me encantou, chea de posibilidades. Se, coma min, non coñecedes este álbum correde a buscalo e mergulládevos no seu universo misterioso. Vaivos emocionar.


Él la había prevenido sobre el libro.
Ahora era demasiado tarde.


De Homo consumus a Homo responsabilus

27/12/11

Gary

Gary from Gary on Vimeo.



Vía

¡Socorro! ¡Éste no soy yo!


Un monstro que soña que se converteu en humano e conta esta experiencia terrible aos seus pais, aos que lles custa convencelo de que estes non existen e por tanto non debe ter medo. Boísimo! O texto de ¡Socorro! ¡Éste no soy yo! é de Jesús Aznar e as ilustracións de Blanca Bk, publicado por Apila. Encantoume. Cheo de humor e ironía, lémbranos que non todo é o que parece e si depende do cristal co que se mire.


La Resta de Todos

Pola educación pública, "a resta de todos":

26/12/11

Swing of change

Un barbeiro racista experimenta un cambio coa aparición dunha trompeta máxica.

Swing of Change from Swing of Change on Vimeo.



Vía

Mensaxes


Mariano Casas publica en El Patito Editorial Mensaxes, un cómic que resultou ser o Premio Castelao de Banda Deseñada no ano 2008, un libro que se sitúa na apocalipse final da desorde e o caos. O libro conta as últimas horas de vida dunha parella refuxiada nunha imprenta, onde el debuxa constantemente o que lles ocorreu para que quede constancia no futuro do sucedido mentres ela non se resigna a morrer. Chama a atención a cor utilizada, sempre forte, que rematará sendo só vermella, e a propia narración que nas páxinas iniciais non presenta ningunha figura humana. Un cómic interesante.

O proceso de edición

Como remate ás actividades arredor da ilustración que durante todo este último mes protagonizou o instituto, Xosé Ballesteros e Macu Fontarigo ofrecéronnos unha interesantísima charla este luns 19 sobre o proceso de edición, ensinándonos libros de todas as clases ata facernos dubidar sobre unha interesante cuestión: Que é un libro?
Ballesteros comezou realizando unha pequena historia da edición do libro, ensinándonos os "tipos": as letras do alfabeto en caixas, e logo pasando aos pregos grandes que se deben dobrar logo ata o formato folio, pregando varias veces segundo o tamaño que se queira obter do libro.
Tamén nos falaron dos fotolitos para conseguir as cores. Como a partir do sian, a maxenta, o amarelo e o negro se fabrican todas as cores. E de como buscan papeis ecolóxicos, aínda que o tipo de papel inflúe moito no resultado final do libro.
Eles reciben diferentes orixinais, seleccionando aqueles que lles parecen máis interesantes e insertándoos en diferentes coleccións segundo as idades. Logo buscan no seu "banco" de ilustradores aqueles que consideran acaen mellor a cada texto.
Maurice Sendak lembraba que un álbum ilustrado é coma un tecido onde non se poden ver as puntadas: estes son os libros que nos agasalla todos os sentidos a editorial Kalandraka: un mundo para soñar.
Moitas, moitísimas grazas a ambos.

25/12/11

Ida y vuelta

Zoológico


Outro clásico de Anthony Browne editado por Fondo de Cultura Económico: Zoológico podería semellar que é tan só unha visita máis dunha familia calquera a un zoolóxico, pero o autor, por medio das ilustracións, enriquece a historia grazas a todo o que nos di por medio delas: a expresividade das faces permite que o lector interprete a personalidade que hai detras dos adultos, un pai autoritario e unha nai sensible. Por medio das ilustracións, asemade, coñecemos todo o público que pasea polo zoolóxico, o que nos permite destacar a sensibilidade do texto ilustrado cara aos animais, e non cara ás persoas, que se comportan dun xeito máis animalesco.

Circo de pulgas

De Mónica Carretero é este Circo de pulgas publicado por Cuento de Luz que nos fala dun grupo de pulgas que non contentas coa súa vida deciden dar un gran paso e armar elas o seu propio circo. Porque debemos perseguir os nosos propios soños e crer neles.


Non á violencia contra as mulleres (CCXXXVII)

Ni un besito a la fuerza:

24/12/11

Sempre hai un lugar para a poesía (XCV)

Selección de poemas, amplamente ilustrada con retratos do autor, do poeta venezolano Juan Sánchez Peláez, a cargo de Enrique Hernández-D’Jesús.



Vía

Para tod@s @s profes

Na oficina de obxectos perdidos

Do EDLG do IES Mosteirón de Sada chega este moi bo traballo co seu alumnado, que xa viramos e se nos pasara colgar. Grazas por recordárnolo! Está baseado, como ben sabedes, nun texto de Made in Galiza de Sechu Sende.

23/12/11

Change For A Dollar

Unha fermosa curta para este día previo á noiteboa, de Sharon Wright, gañadora de varios premios en diferentes festivais: Levas solto?



Vía Microsiervos

Fantasmas de luz

O último título que nos ofrece Agustín Fernández Paz é Fantasmas de luz, publicado pola editorial Xerais, apoiado polas fantásticas ilustracións de Miguelanxo Prado. Amor polo cine que demostra en cada liña e en cada parágrafo, ofrecéndonos unha interesante selección de filmes ao final da novela, pero sobre todo amor pola xustiza, facendo fincapé na actual situación de inxustiza social que estamos a vivir arestora na nosa sociedade, onde os pobres son cada vez máis pobres e os ricos cada vez máis ricos.
A medio camiño entre o realismo e a fantasía, a historia que nos relata Agustín é unha historia acontecida aquí mesmo, ao noso carón, cando paseamos pola rúa e non vemos a metade da xente que cruzamos. Unha historia de invisibilade chea de melancolía mesturada asemade con optimismo, porque a unión e o amor dan novos azos para seguir adiante. E porque o cine axudará a entender mellor a vida: tantas frases e escenas maxistrais que definen o noso acontecer cotiá. A chiscadela ao sétimo arte amplíase cunha serie de "Tomas extra" que complementan a curta historia que se nos relataba na parte principal da novela; pero estes extras son fundamentais tamén para reflexionar, para saber máis, para completar o noso maxín sobre o lido e interactuar coa historia principal. Non son tomas falsas, por tanto, senón que son un aditamento insubstituíble.
As ilutracións que acompañan o bo facer de Agustín son parte esencial da natureza real e morriñenta do texto. Non podía ser doutro xeito vindo de quen veñen: escusado é falar da arte de Miguelanxo Prado, o noso máis internacional comiqueiro e ilustrador.




Feliz nadal con libros


Deixámosvos unha serie de felicitacións que atopamos en Cajón de sastre. Felices festas a todos e a todas!:









christmas tree from invisibly on Vimeo.

Xogos tradicionais

Unha das actividades realizadas dende o Equipo de Normalización e Dinamización Lingüística para esta fin de trimestre foi que o alumnado de 1º e 2º da ESO coñecese os nosos xogos tradicionais: chave, ra, bolos celtas, petanca... unha tarde de novos xogos para gozar:

22/12/11

'Cómicos' de McCann Erickson

Dirixido por Álex de la Iglesia, un gran anuncio para Campofrío: orixinal e cuns protagonistas incribles.“Maestro… ¿se puede ver cada día el lado bueno de todo con la que está cayendo?”



Vía

Concurso ilustración

Arredor das actividades da Ilustración, convidamos ao alumnado a ilustrar un dos relatos de Manuel Rivas contido no seu libro Contos de Nadal, "A barra de pan". Aquí podedes ver os dous gañadores e o resultado xeral:







San Jorge y el dragón



Con texto de Daniel Nesquens e ilustracións de David Guirao, Apila ediciones publica este San Jorge y el dragón, un álbum na máis pura saga de dragóns e cabaleiros valentes que salvan a unha fermosa doncela por amor. É un libro de tamaño considerable con ilustracións a toda cor, moi ben editado, pero non é o un álbum que a min me guste especialmente, sobre todo polo texto, xa que as ilustracións gústanme máis. É unha nova versión da lenda de San Xurxo, a doncela e o dragón máis terrorífico do mundo, con máis humor e un chisco de ironía que lle proporciona o autor.




En aquella aldea soleada había árboles grandes, árboles pequeños, casas con dos chimeneas, casas de madera, padres, madres, niños, perros, gatos, ratones, lagartijas, sapos…
Y un monstruo.
Se trataba de un dragón. Al parecer, según afirmaban los más viejos, tenía las mismas vidas que un gato. Su hambre era descomunal. Cuando las tripas le pedían comida, salía de su guarida, se incorporaba sobre sus patas traseras, rugía desde lo alto de la montaña, como si solo le quedasen tres días de vida, y descendía en zancadas pares, con la boca abierta, dejando a la vista aquellos dientes serrados y afilados como cuchillos de trinchar carne. Y en un “pin pan fuego” comenzaba a engullir todo lo que abarcaba con la mirada: las casas, los padres, las madres, los niños, los perros, los gatos…
Todo.

Árbore ilustrada en galego

A nosa árbore no instituto: unha árbore feita de libros que só agasalla libros ilustrados en galego. O noso desexo: que en todos os fogares galegos ocorra o mesmo!


21/12/11

Will & the Wheel

Will & the Wheel from InkyMind on Vimeo.

Cabana de Balieiros


Gustoume moitísimo este cómic de Tokio (Alfredo López Fernández) publicado por Demo: Cabana de balieiros. Unha obra que fala de atraso relixioso e modernidade social da man da lectura e dos libros en contra da relixión cunha protagonista indiscutible, unha muller valente que cre na educación por riba de todo. E todo isto nunha vila mariñeira que loita contra ladróns e supersticións da man de canónigos fraudulentos. Un cómic con moita acción moi ben logrado.


Felicitación verde especial

Por motivos moi persoais este ano o noso blogue non contará cunha tarxeta especial para vos felicitar o nadal. Que saibades que, por suposto, non nos esquecemos de ningún de vós. E desexámolo igualmente. Que vos vaia bonito!

20/12/11

Patakiskola

Orixinal curta en stop-motion, baseado nun poema húngaro, realizado por Péter Vácz como proxecto de graduación de Budapest’s Moholy-Nagy University of Arts and Design.

Streamschool (Patakiskola) from Péter Vácz on Vimeo.



vía

Bichos bola



Divertido álbum de Mónica Carretero publicado por Cuento de Luz sobre unha familia moi especial: Bichos bola non son nin moi guapos nin moi simpáticos, pero, pola contra, poden facer cousas incribles e chegar a ser famosos por convertérense en boliñas.







A coelliña Marcela



Publica Kalandraka este delicioso conto sobre a igualdade con texto de Esther Tusquets e ilustracións de María Hergueta: A coelliña Marcela. Un texto que xa ten os seus aniños para falar de tolerancia e xustiza social nas comunidades dos coellos que ben poden traspasarse á humana. Un ser diferente que nos lembra que a sociedade componse de diferentes razas e que todas elas son iguais. Unha fábula moderna onde todo o mundo cabe e a mestizaxe é a solución perfecta. As ilustracións son moi realistas e destacan as cores utilizadas: o álbum é amarelo, a miña cor preferida! Esta cor é utilizada para xogar coa uniformidade das diferenzas.
Chama a atención a portada, coa coelliña con gafas e o fuciño atado, algo que comprenderemos coa súa lectura e que é o espello das inxustizas sociais que cometemos cada día na nosa sociedade.



Os coellos brancos andaban sempre moi ergueitos e miraban de fronte cara adiante e , pola contra, os coellos negros andaban coa cabeza gacha mirando cara ao chan. Esa era a razón pola que os coellos brancos e os coellos negros nunca cruzaban as súas miradas...


SceneMob ECOM per la discapacitat

19/12/11

Apréndeo

Vídeo musical de Aid para a campaña "Servizo público" da TVG, o novo vídeo corporativo da compañía.Vía Carta Xeométrica.

Aid - "Apréndeo" from Verve Creative Group on Vimeo.

Laura no deserto

Normalmente agardo un par de días para falar dunha novela que acabo de ler; gústame repousala no meu silencio lector antes de comezar outra e remoela na miña memoria buscando aqueles detalles que máis chegaron ao fondo do meu corazón. Porén, hoxe non son quen de agardar para vos falar deste libro que veño de rematar, que me roubou tempo de corrección de exames e horas de sono, que fixo que aniñase no meu interior o vento seco da guerra e da inxustiza e que me acubillou no seu seo mentres gozaba da súa lectura en cada instante. Non sei se será moi temerario dicir que estamos ante unha das mellores novelas que a literatura galega contemporánea nos vai deixar, estou certa de que non son eu a persoa axeitada para comentalo sequera. Pero é a miña humilde opinión: Laura no deserto de Antón Riveiro Coello, publicada pola editorial Galaxia, é unha gran novela, un libro que deixa un pouso no lector, que arrastra, que domina a túa corrente para facela súa e que está chamada a perdurar na memoria dos tempos. Unha novela que confirma o bo estado actual da nosa literatura, un libro que acredita ao seu autor como un dos grandes entre os máis grandes, un libro que pode ser levado tamén á grande pantalla e que merece un posto de honor nas listas da nosa literatura.
Antón Riveiro Coello consegue esa maxia que procuro nas miñas lecturas: deitarme canda os personaxes para seguilos soñando, levalos comigo preocupándome polos seus próximos pasos, acochalos no meu amparo para salvalos dun sufrimento seguro, preocuparme polo seu futuro inmediato. Seguir lendo e lendo, chea de nervios, para saber que vai ocorrer. Non poder deixar o libro e levalo comigo coma unha parte máis do meu corpo.
Non vou falar do seu argumento, xa sabedes que non adoito facelo: para iso xa tedes a contracapa ou a información na páxina da editorial. Nela fálase do sufrimento das guerras, da guerra civil española, da monstrosidade nazi, do amor aos libros e aos seus autores, da fascinación pola Pobra do Caramiñal... hai moita literatura engarzada dentro da novela, hai novelas dentro da novela...
Poderedes preguntar? Non é demasiado longa? Non lle sobras páxinas? E direivos que non. Que entraredes nas súas páxinas e que estas serán un salaio curto que non podedes abandoar até o final. Que non miredes o número de páxinas porque o contido paga a pena. Que viaxedes ao deserto de Laura e que sufrades con ela as atrocidades que é capaz de infrinxir o ser humano.

Robinson Crustó

Vino en Carta Xeométrica, como non, e tráioo directamente. Paga a pena que o vexades e o difundades:

Calquera dos que tivera noticia da obra de Defoe terá reparado no curioso capítulo de cando Robinson Crusoe atopa outro ser humano na illa na que levaba tempo como náufrago. Robinson despreza a cultura e a lingua do outro habitante da illa e declárase en dono e señor do aborixe ao que primeiro lle dá un nome e despois ensínao a falar pois, como todo o mundo sabe, os aborixes nin teñen lingua nin como chamárense.
Botando man desta historia, os Servizos Lingüísticos Universitarios de Cataluña elaboraron este simpático e fabuloso vídeo.

Ramón Caride en Forcarei



Para complementar o Día da Ciencia en Galego que todo o alumnado do centro celebrou no seu día, propuxerámoslles aos curso de Diversificación a lectura de Exogamia 0.3 de Ramón Caride. E este accedeu amablemente a vir onda eles para lles complementar o que no libro se di de ciencia e actualidade. Non puido ser ata o día 9 de decembro, un mes despois, pero a charla resultou igual de amena e efectiva coma se se celebrase na data correspondente. Grazas a Ramón por vir compartir a súa sabedoría científica connosco.


Rodrigo Chao en Forcarei

Este luns día 5 de decembro visitounos Rodrigo Chao, a quen lle dou as miñas máis expresivas grazas por non dubidar nin un só segundo en me facer o favor de vir ao noso centro e compartir co noso alumnado o seu bo facer de iulstrador.
Principiou a súa exposición falando dos ciclos que se poden facer para ser ilustrador: Ilustración, Deseño Gráfico, Fotografia, en Ourense ou na Coruña.
Logo falounos da elaboración dun libro, a lectura detida do texto, a fixación das escenas que se van ilustrar, os debuxos iniciais son bocetos que logo pasa ao ordenador para utilizar o Photoshop.
Logo realizou un obradoiro de ilustración: debuxos a partir de formas xeométricas, o uso de moitos trazos, eixo vertical e horizontal, as proporcións, o debuxo dos ollos, das expresións.

18/12/11

Pecados capitais

Unha curta sobre os sete pecados capitais:

Cando chove




Con estes títulos non hai quen se resista: encántame que chova!!! E Faktoría K de libros ofrécenos este suxestivo título que fala do ben que o pasa unha nena cando chove, mentres que os adultos rexeitan eses momentos. Os adultos de cidade, asegura o meu alumnado posto que os do rural ben precisan da choiva e son conscientes do necesaria que é. Cando chove está escrito e ilustrado pola guipuscoana Leire Salaberria gañou o Premio Etxepare de Álbum Infantil en Euskera. A choiva vista con ledicia para xogar con ela e vivir momentos máxicos que sen ela non poderían ser vividos.



Cando chove... O meu can métese en todos os charcos do paseo.
Chega á casa coas catro patas e o fociño manchados de lama, contento, movendo o rabo.
Mamá cólleo do pescozo e méteo no lavabo ata que sae branco outra vez...

El valor del agua


Cuatro azules nos deixa este tan diferente álbum en branco e negro sobre a relación dun neno co seu avó e o amor que este sente pola terra que o veu nacer e que tivo que abondoar por mor dun encoro que destruíu a súa casa e a súa vila.
El valor del agua
está escrito por Julio Llamazares e conta coas ilustracións de Antonio Santos. Un autor consagrado na narrativa para adultos que non decepciona nesta obra que segue a contar cunha linguaxe exquisita e certa emotividade característica das súas descricións.
As ilustracións en branco e negro, unha por cada páxina, sen artificios innecesarios, marcan un libro contundente sobre a tristura que supón esta migración forzada. Algo do que tamén sabemos no noso país.

Non á violencia contra as mulleres (CCXXXVI)

17/12/11

Vampire Bash

A curta máis curta da historia: O portugués António Silva conta unha historia de vampiros en só 5 segundos. Con ela foi o gañador do concurso Greyscale Gorilla’s 5 Second Project na modalidade de Monster Bash.
Grazas, Mario Regueira.

Vampire Bash from António Silva on Vimeo.



Vía


A tartaruga que quería durmir


A tartaruga que quería durmir, publicado por OQO, é de Roberto Aliaga con ilustracións de Alessandra Cimatoribus. Divertido conto construído coas clásicas repeticións enumerativas dos contos para os máis pequenos e cunha linguaxe sinxela para perder o medo ao instante en que se debe marchar para a cama. As ilustracións son moi tenras e axudan a formar un todo moi convincente e humorístico.

A tartaruga ten moito sono e vai durmir o inverno todo. Pero os seus amigos non deixan de chamar á súa porta para traerlle agasallos que a acompañen no período de sono...

Me gusta el chocolate



Encántame o chocolate! Así que non me podo resistir ante un título así, Me gusta el chocolate, que vén asinado por Davide Calì e as ilustracións de Evelyn Daviddi, publicado pola Faktoría K. Non sei se un día chegarei a saber por que se publica este libro en castelán e en portugués e non en galego, pero así é.
Vaia, que se vos gusta o chocolate encantaravos o libro: as ilustracións son moi graciosas, cheas de cor e mesmo de dozura, coma o alimento do que estamos a falar. E o texto tamén está impregnado destas calidades: humor e dozura, tanta, que che darán ganas de ir comer chocolate tan pronto como remates de lelo. Palabra de lectora comedora de chocolate.



Me gusta la barrita de chocolate porque hace croc entre los dientes. Me gustan los bombones porque hay muchísimos y son diferentes. Me gustan los bombones porque para saber qué hay dentro hay que probarlos ¡todos!…

Un día

Contra a desnutrición infantil, campaña de UNICEF:

16/12/11

Demasiado tarde

Leo en Mangas Verdes que esta curta é de terror, non apta para persoas sensibles. Así que eu non a vin. Vós diredes.


Too Late from SIDE FILMS on Vimeo.

Canto de Nadal



Se alguén a estas alturas me di que non sabe que regalar no nadal... mellor calo, sería politicamente incorrecto. Xa vos teño falado duns cantos libros-alfaia cos que ides quedar ben, seguro. Pois ben, se aínda o dubidabades, propóñovos un que non ten fallo: Kalandraka vén de publicar esta clásico de Charles Dickens Canto de Nadal. Ah! Que o libro xa o coñecedes e non vos interesa... Agardade un momento, inda non rematei. Este libro está ilustrado por... ROBERTO INNOCENTI!!! Si, o mesmo! Así que maxinade como pode ser de fermoso... Hoxe no instituto íallo ensinado a toda persoa coa que me topaba no corredor ata chegar á biblioteca. Que estupenda marabilla ter isto entre as mans.
Hoxe máis ca nunca: regalade libros en galego. Hai moito onde o escoller. Para ler, para mirar, para sentir, para alucinar, para viaxar, para saber, para soñar, para viaxar... para non estar aquí.



–E que lle queres –respondeu o tío– se vivo nun mundo de tolos coma este? Bo Nadal! Xa está ben de Nadal! Para ti que é o Nadal, á parte dunha época para pagar facturas sen ter cartos; unha época en que descobres que es un ano máis vello e nin sequera un chisco máis rico; unha época para facer balance da contabilidade e encontrar todos os gastos de doce meses a deber? Se aquí mandase eu –dixo Scrooge indignado–, a todos eses idiotas que andan por aí con iso de «bo Nadal» na boca habían de queimalos vivos e enterralos cunha estaca de acivro chantada no corazón. Ala!

Sobre o libro, en Papel en blanco.

Fame

En youtube pon que é o vídeo máis censurado:

15/12/11

La parábola de la mantis

Cocorico


Constrúe este texto Marisa Núñez a partir dun conto tradicional birmano, con ilustracións de Helga Bansch, Cocorico está publicado por OQO. Un conto tenro dun pitiño que deberá aprender axiña unha boa lección se non quere desaparecer do mapa!
Aquí tedes un xogo en LIM. E aquí unha canción.

Cocorico é un pitiño que vive feliz coa súa nai. Un día que Mamá Galiña vai facer biscoito, o pitiño ofrécese a ir pola leña para acender o forno. Cando está en plena faena, aparece un gato enorme e malvado que o quere devorar. De milagre, Cocorico salva a vida porque lle promete que lle dará a metade da merenda. Mais, unha vez pasado o perigo, o lambón de Cocorico esquece o trato e come o biscoito enteiro. A mamá anóxase: vai vir Gato Pelado e vaite comer dun bocado! Nisto escoitan un ruído na porta: É Gato Pelado reclamando a súa metade de biscoito…


La abuela necesita besitos


Un novo, delicado, tenro e fermoso álbum sobre o Alzhéimer. Ana Bergua e Carme Sala publican en Proteus La abuela necesita besitos. O libro podería ser un caso real, un de tantos, pero nesta ocasión é a nena-neta quen conta como non entende que lle pasa á súa avoa, quen xa non é quen de xogar e contar contos coma antes, e quen mesmo chega a perderse na súa propia casa. Un álbum fermoso que achega esta enfermidade aos máis peques dende o respecto e a sensibilidade.


Usa o coco

A campaña "usa el coco" emitirase en 159 salas dixitais 3D a nivel nacional nun total de 18 provincias, tendo unha duración de 4 meses, coincidindo coa campaña de nadal e dos Goya. Son tres curtas animadas que teñen lugar nunha remota illa onde os protagonistas, en clave de humor, amosan como a creatividade e a innocación son ferramentas que deben usarse para solucionar case todos os problemas.
Os obxectivos deste proxecto son promoner a innovación como ferramenta para o desenvolvemento e crecemento económico, alimentar a cultura innovadora na sociedade, valorar a ciencia e a tecnoloxía e resaltar a importancia destes valores na sociedade actual. Foi idea da Fundación Española para a Ciencia e a Tecnoloxía.



Un día de pesca - Usa el Coco from HAMPA STUDIO on Vimeo.



Me gustan las bananas - Usa el Coco from HAMPA STUDIO on Vimeo.



Esto pesa mucho - Usa el Coco from HAMPA STUDIO on Vimeo.


Vía

14/12/11

Balloons

Loboferoz


A partir dun conto tradicional ruso constrúe este texto Patacrúa con ilustracións de Chené, Loboferoz está publicado por OQO. Divertido relato sobre como os animais domésticos serán quen de enganar ao temible lobo para non ser comidos por el.

Era unha vez un lobo tan preguiceiro que, por non se esforzar, non comía máis que papas de arroz. Un día mirouse no espello e, ao verse tan fraco, decidiu converterse nun lobo feroz...


Os mil brancos dos esquimós


Os mil brancos dos esquimós é de Isabel Minhós Martins con ilustracións de Madalena Matoso e está publicado por OQO. E vai precisamente diso: da cantidade diferente que os esquimós son capaces de discernir porque a súa vida se desenvolve nesa cor que pode ser tan diferente para eles e que a nós seméllanos sempre igual. A técnica da collage que emprega a ilustradora fai que este libro se convirta nunha pequena xoia para achegarse a un modo de vida tan diferente ao noso.

Entrevista a Jutta Bauer

Entrevista á autora e ilustradora alemá Jutta Bauer, gañadora do premio Hans Christian Andersen de Ilustración 2010.


13/12/11

Cuestión de educación

Non adoito facer este tipo de post. Non me gusta poñer en entredito a actuación de ninguén. Pero, unha vez máis, debo falar da carencia de educación que asolaga o noso país. Mergullados nela quizais haxa xente que non se decate sequera do que sucede, acostumados como estamos a que persoas que ocupan postos importantes fagan gala dunha falta de educación tal que eu síntome avergoñada.
Vén a conto isto porque veño da presentación dun libro na miña vila, un libro sobre Neira Vilas. A verdade, foi un pracer escoitar un home desa idade con esa memoria e tantas anécdotas que contar. Porque cinguiuse sobre todo a iso: contar diferentes pasaxes da súa vida e dos 50 anos do Balbino.
Nesa mesma mesa presidencial, un político non só semellaba non estar interesado no que alí se dicía (mesmo chegou tarde) senón que estivo todo o tempo co móbil na man. Quizais recibía mensaxes de extrema importancia. Non sei. Quizais se estaba xogando o futuro do noso país neses momentos nas súas mans (dubídoo). A min recordoume que ao alumnado non lle deixamos entrar co móbil nos centros. Quizais teñan que tomar este tipo de medidas cos políticos. Como imos educar dende a base se a cúpula non ten unhas normas mínimas de educación? Falaba Neira Vilas de percorrer Galicia para coñecer a súa xeografía e a idiosincrasia das súas xentes. Preoucupoulle a este político facer unha parte deste percorrido vital para aprender algo?
O problema do noso país, o desamor pola lingua, a queima das árbores, a plantación de eucaliptos, o lixo, o rexeitamento polo que nos é propio, o machismo, a violencia de xénero, a deshonra, a caradura... todo é cuestión de educación. O noso é un país inculto gobernado por xente inculta á que non lle preocupa culturizarse.
Mal imos.

La Brisa del Tiempo

A pota que trota


A partir dun conto tradicional danés, A pota que trota conta con texto de Patacrúa e ilustracións de Kristina Andres; publicado por OQO, é unha metáfora da solidariedade e do egoísmo a partes iguais, e isto é posible grazas a unha pota que reparte o que lle sobra ao rei entre os que nada teñen. Así, aprenderemos con moito humor que a equidade é a mellor das solucións mentres admiramos as ilustracións tan ben conseguidas para acoplarénse ao texto.




El túnel



Anthony Browne é o autor de El túnel publicado por Fondo de Cultura Económica. Un álbum que convida a reflexionar sobre a necesidade de compartir aventuras entre dous irmáns que case nada tiñan en común. Sempre con esas mega-ilustracións deste autor convertido en clásico da literatura infantil e xuvenil.




Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.