"O Monstro" de Daniel Martin, traducido ao galego e con actividades e
recursos para Educacion Infantil e Primaria. Equipo de Convicencia do
CPI Ponte dos Brozos de Arteixo.
Moito se está compilando para o día de hoxe, día de Xosé Mª Díaz Castro. Só traemos aquí unha mínnima parte e damos as grazas a Cibrán por facilitarnos o traballo. No seu blogue tedes moito máis:
Unha marabillosa colección de publicacións escolares da obra de Díaz Castro é a que nos chega desde o IES Blanco Amor
(Ourense). O alumnado de 1º, 3º e 4º da ESO do centro elaborou unha
serie de debuxos tomando como referencia os poemas de Nimbos.
Un día para non esquecer, por suposto. Hoxe estaremos lendo poemas no Salón Teatro. Pero é un día que, aínda sendo sábado, non se esquece nos centros de ensino. Unha mostra (ao non funcionar os Planetakis resulta moi complicado realizar unha compilación, polo que pido desculpas):
Un ano máis, procedemos a "inventariar" o que moito se anda a facer nos centros públicos de Galicia. Só é unha mostra do traballo dos docentes neste día.
Non esquezades a Campaña da ONU. Nuria Varela.
CRTVG vén de poñer á nosa disposición unha canle temática con material audiovisual sobre Roberto Vidal Bolaño. Unha forma excelente de recuperar ao actor, ao autor, ao dramaturgo... na súa propia voz.
Para coñecer máis datos da súa vida e obra podedes consultar a Biografía elaborada polo Seminario Galan,
Tamén temos estoutra presentación da revista O Bico da Ría realizada polo Equipo do IES Félix Muriel
Por suposto, imprescindible un ano máis, o Telexornal Vidal Bolaño que chega dende Rois:
O segundo traballo que vén dende Rois é un documental sobre a obra do dramaturgo compostelán elaborado sobre as intervencións de Miguel de Lira, Xabier Ron, Xosé Manuel Fernández Castro, Laura Ponte, Eduardo Alonso, Xulio Lago, Avelino González, Ernesto Chao, Rodrigo Roel, Roi Vidal Ponte, Belén Quintáns e Paco Macías.
Tamén en Caderno de lingua o amigo Román dá conta do espírito Vidal Bolaño:
Se na Ultranoite do Aquí dos Chévere se convoca o espírito de Roberto Vidal Bolaño sen necesidade de botar man da ouija, abonda co sombreiro e o nariz vermello de pallaso, agora é o incombustible Paco Nogueiras Nodar
o que nos convida a deixarnos tomar polo “Espírito Vidal Bolaño”. Xa
tiñamos os seus textos, e mais a careta, o chapeu e o nariz do xigante
de Vista Alegre; agora temos tamén o son.
Sen saír deste blogue (que sería de nós sen Román!) chegamos a este cuestionario:
Son moi numerosos xa os recursos e os
traballos que os docentes, os equipos de bibliotecas e de normalización
lingüística, o alumnado, etc. están realizando ao redor da figura e a
obra de Roberto Vidal Bolaño. Ás veces os camiños entrecrúzanse e o que
se fixo nun centro remata en mans doutro/a profesor/a que tira del un
chisco máis para lle tirar proveito nas súas aulas.
Iso foi o que fixo Loli Cid (do mesmo modo que con Valentín Paz Andrade no curso pasado) cos traballos audiovisuais elaborados por Luís Aldegunde e o seu alumnado do CPI Os Dices de Rois.
Os de Chévere
homenaxean ao seu compañeiro e amigo Roberto Vidal Bolaño ofrecéndonos "unha
pequena xoia rescatada do arquivo da Nasa, gravada no 1999: a obra Sen
ir máis lonxe, de Roberto Vidal Bolaño, compañeiro de escenarios de
Chévere e tertuliano da barra da desaparecida Nave de Servicios
Artísticos de Santiago". Podedes vela no portal da Rede Nasa.
Liña temporal realizada no IES San Paio:
No Recanto de Mik tedes esta compilación de recursos IMPRESCINDIBLE!
Hoxe estamos de celebración. Por todo o alto, poetizámonos. O centro encheuse de libros de poesía, de poemas soltos, poemas visuais, cartaces, paraugas con haikus, árbores poéticas. Todo é poesía no Colmeiro!
Para ir abrindo boca, deixámosvos ligazóns variadas que atopei na rede, maioritariamente en castelán. E iso que no centro só celebramos a poesía en galego!!!
Non
lemos e escribimos poesía porque é bonita. Lemos e escribimos poesía
porque pertencemos a raza humana. E a raza humana está chea de paixón. A mediciña, o dereito, o comercio a enxeñería son carreiras nobres e necesarias para dignificar a vida. Pero a poesía, a beleza, o romanticismo, o amor, son as cousas que nos manteñen vivos ...
Neste labor compilatorio que realizamos en datas coma esta, temos ben adiantado o traballo grazas a Bibliolucus. Así que recollemos o seu traballo -dándolle as grazas, aínda que o ampliemos:
O CEIP A Ponte de Lugo propón este xogo de preguntas e respostas
sobre o Día das Letras Galegas que traza un itinerario dende a súa
xénese ata os nosos días. Dous xogadores poden poñer a proba os seus
coñecementos competindo dunha maneira lúdica e didáctica. A xogar!
Webquest do IES de Fene sobre a figura, vida e obra de Valentín Paz Andrade, para a ESO.
Ligazón directa ao artigo biográfico daGalipedia sobre de Valentín Paz Andrade.
A Coordinadora de ENDL ofrece este mapa conceptual
en formato pdf, para poder facer una resumo rápido da súa relevancia
como persoeiro fundamental da vida galega na súa época. Atende sobre
todo ó seu labor como empresario e político.
Caderno de aula, en formato pdf, que inclúe biografía, bibliografía, escolma poética e actividades sobre a vida e a obra do autor. Autoría: rogosece
Liña do tempo sobre os feitos máis relevantes da vida de Valentín Paz Andrade, fornecida polo IES San Paio de Tui.
Outra webquest, neste caso dende o IES «Ribeira do Louro» d’O Porriño; para 2º ciclo da ESO e 1ºBAC.
Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.
