Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

31/12/14

Feliz 2105

Que a Bondade, a Cultura e a nosa Lingua asolaguen as nosas vidas, todo o ano.

Ilustrado por...



Isol

 Jutta Bauer

Leandro Lamas

 Nuria Díaz

 Turcios Arte

Frances Rovira

Juanito Diminuto

Edición de Álvaro de Cuenca e Luis Alberto de Cuenca para este Juanito Diminuto (como diminuta é a edición) de Wilhelm Busch en Reino de Cordelia. Un clásico xenial que debemos coñecer, un anano en verso que contén acción, paixón e sobre todo moito sentido do humor.
 Para publicar esta versión, traducida e adaptada a verso por Álvaro de Cuenca e Luis Alberto de Cuenca, traballouse con dúas edicións do orixinal alemán, unha datada o mesmo ano da morte de Busch, 1908, e outra de 1964 onde se recolle a maqueta orixinal do conto, bocetada e escrita a man polo autor.

30/12/14

Nuggets

Este curta sen palabras do animador Andreas Hykade é unha alegoría simple pero moi triste (e efectiva) sobre a adicción. 




Vía

La mujer más alta del mundo

Álbum gañador do Premio Lazarillo 2103, La mujer más alta del mundo é de Pablo Albo e Iratxe López de Munáin, e está publicado pola editorial Libre Albedrío. Unha historia de superación persoal e de amplitude de miras, xa que o libro incide na procura da identidade individual partindo das diferenzas. As ilustracións xogas coa metáfora visual e a verticalidade, xa que o álbum está editado de xeito apaixado, posto que o álbum xoga co concepto de "arriba e abaixo" en cada páxina. A cor branca resulta de vital importancia e é asemade un recurso narrativo, acompañada de laranxas e azuis ao longo de todo o texto.




Equidade de xénero

29/12/14

Publicidade machista, unha vez máis

Buy the World's Slimmest Smartphone | The KAZAM Tornado 348 | TV Commercial

Cando se recorre a "sexo" por todas partes nun anuncio e nin sequera se lle bota algo de sutileza, o resultado volve a ser vergoñento. E este é sexismo puro: unha moza con pouca roupa... e nada máis.




Vía

Dende o conflito

Permanezo cunha sensación agridoce despois de rematada a lectura desta novela de María Reimóndez, merecedora do Premio Xerais 2014, Dende o conflito. Agridoce porque quedo con ganas de profundar máis, de saber máis, de que a autora parase máis nos sentimentos de cada conflito e menos nos persoais. Busca María Reimóndez un equilibrio entre ambos mundos, pero eu, particularmente, boto de menos aquel que me resulta máis afastado e descoñecido. O libro axúdase de diversos rexistros: crónicas doutras xornalistas, intercambio epistolar, fragmentos de conferencias, vivencias transmitidas a xeito de pequenas historias... algo  que suxire implicitamente unha reflexión, unha axuda necesaria para entender o estado de ánimo da protagonista e unha reivindicación do papel  desenvolto polas correspondentes de guerra como Sofía Casanova, Martha Gellhorn, Lara Logan ou Marie Colvin. Asemade, a obra lévanos por territorios sempre en conflito como Kigali, Bagdad, Addis Abeba, Afganistán, Sri Lanka ou Porto Príncipe, aínda que tamén hai espazos para a paz e o afecto, como  Londres, Berlín, Compostela ou Vilalba. Daqueles lugares son dos que eu boto de menos unha maior fondudra.
O libro que temos nas mans convida á reflexión, unha reflexión necesaria que está sempre presente nos textos desta autora. Fala de xornalismo feito por mulleres, de invisibilidades e sobre todo da urxencia de reconstruír a sociedade. Fóra de convencionalismos. Esta é a man que nos tende María Reimóndez. Tomar conciencia das guerras e da situación da muller debe prevalecer sobre outras cuestións, e para iso está este libro, unha crítica contra a globalización neoliberal e neoconservadora. Sen esquecer a situación da nosa lingua e o noso país. De aí que o libro nos preste unha axuda necesaria e sempre vixente, aquela que non nos permita esquecer quen somos.



Defensa espello

Un vídeo que nos trae unha moi boa reflexión.

28/12/14

El sabor de las cerezas

O sabor das cereixas, Abbas Kiarostami (1997)

Cine feito para contemplar. Unha celebración da vida encontrada no punto menos esperado do planeta.


Vía

No he hecho los deberes porque...

Dous factores altamente provocadores para a miña persoa: Editorial Nubeocho e o autor Davide Cali. O resultado non pode ser outro. Aquí está o pequeno álbum que ambos publican con ilustracións de Benjamin Chaud: No he hecho los deberes porque... amosa máis imaxinación que o meu alumnado cando non me sabe contestar a cal é a causa de non ter feito os deberes. Un libro divertido de principio a fin onde cada páxina é ocupada por unha extraordinarias ilustracións que case a enchen e un pequeno texto que dá voz a un neno que pretende convencer á súa profesora da razón de non facer o que lle mandaron. Así que polo medio haberá monstros, invasións extraterrestres... mesmo poderemos falar de metaliteratura en estado sinxelo. 
Iso si, o final aínda será máis divertido.
Se algún dos meus alumnos ou alumnas está a lerme, aviso: non poderedes usar estas escusas porque xa as coñezo eu tamén!
Ah! E os maiores poderiamos usalo para "Non fun traballar porque...", xa que estas desculpas ben nos poden valer!



     "- Así que... dime, ¿por qué no has hecho los deberes?
     - No he hecho los deberes porque...
       Un avión lleno de monos aterrizó en nuestro jardín..."




Non á violencia contra as mulleres (CCCXCIV)

A violencia simbólica tamén é violencia de xénero:


27/12/14

La noche

Na web de Efe Eme, o videoclip de Germán Coppini como vocalista de Néctar.


El río

En Libros del Zorro Rojo toparedes esta marabilla de Alessandro Sanna que se chama El río. Un álbum exquisito, calado, que parte dun poema de Jorge Luis Borges para transportarnos polo río Po, coma un lento navegar, a través de catro historias sobre a dor e a esperanza. Un libro de estampas fluviais unicamente, sen palabras, que reflicten a vida, o paso do tempo grazas ao retrato da natureza coas súas lueces e sombra, reconvertidas en toda unha paleta de cores. Catro partes, catro estacións: asolagamentos, fríos, amores, arte. Un libro cheo de voces paseniñas que entran polos ollos e que se converten en sensacións de todo o corpo, un vento afastado que é quen de achegarnos o murmurio da natureza.
En realidade, isto é unha obra de Arte.


«Mirar el río hecho de tiempo y agua
y recordar que el tiempo es otro río,
saber que nos perdemos como el río
y que los rostros pasan como el agua».
Jorge Luis Borges 









26/12/14

Soon We'll Be Found




Rosa-Luna y los lobos

Adriana Hidalgo editora publica este orixinal álbum de Magali Le Huche, Rosa-Luna y los lobos. Un libro sobre os prexuízos da sociedade, esa que en conxunto é quen de botar unha muller por ser muller, de despreciala por selo e por defenderse, de botar a quen sexa diferente e se afaste das "normas" que inventamos hai tempo e non sabemos de onde viñeron. A historia está contada coma se fose unha lenda, e como é costume hai dúas claves, a paixón e a intolerancia. 
Verdade que esta muller pode converterse en Lúa?:

La maldición de ser niña

A ausencia de mulleres en Asia terá consecuencias políticas e sociais sen precedentes.

25/12/14

Flashmob no Nadal

El perro negro

Nubeocho é unha editorial que aumenta o meu interese pouco a pouco polo tipo de libros que publica, unha serie de libros que procuaran a Igualdade e a reflexión. Desta volta, quedei con El perro negro de Levi Pinfold, premio Kate Greenaway 2013. Un libro sobre o medo e a perspectiva con que miramos o mundo. E é que o álbum fala de algo ben sinxelo: o medo está en nós mesmos, e é a nosa mente quen pode agrandalo ou empequenecelo, só nós temos esa misteriosa forza e esa posible superación. Porque o tamaño do medo depende de cada persoa.
As ilustracións, asemade, son categóricas e efectivas.

" No había nada por lo que tener miedo, ¿sabéis?"

 


 

Feliz Nadal lingüístico

Unha vez máis, é grazas a Toni Solano como chego a este novo "post". Fixádevos como a autora ou o autor deste mapa esquece a nosa lingua e o euskera.
Así que
Bo Nadal
Gabon Zoriontsuak  
 
Claro que a min ben me cumpriría arestora un mapa lingüístico non europeo senón mundial para poder desexar o "Bo Nadal" en xaponés e en árabe... Que cousas!



Vía

24/12/14

Feliz noite

Un Nadal mudo a ritmo de Caspervek.

Felices festas a todas e a todos cantos vos achegades por aquí, seguíndonos, comentádonos e axudándonos a medrar. Que a Bondade asolague estas festas e permaneza

Si yo fuese un libro

Como non comprar un álbum con este título! Claro está, tan pronto o vin, veuse canda min. José Jorge Letria e André Letria son os artífices deste Si yo fuese un libro publicado pola Editorial Juventud.
Se amades os libros tanto coma min, sobran as palabras. Se non os amades, para que falarvos deste álbum? Sobran as palabras, por tanto.

Holiday Stories

Fábula navideña ilustrada por Maurice Sendak no ano 1977.




Vía Giraluna

23/12/14

Feliz Navidad (La Historia Digital del Nacimiento de Jesús)

55

Agardamos hoxe a cita tan esperada con Xavier Queipo no noso Club de Lectura da Biblioteca Municipal de Silleda para falarmos arredor do seu libro 55 publicado por Xerais. Un conxunto amplo e heteroxéneo de relatos, unha compilación de narracións breves espalladas por xornais, revistas ou carpetas que non teriamos a mans se non fose por este libro. Estas historias son moi diferentes na súa temática, xa que algunhas están extraídas de experiencias persoais, outras son, simplemente, soños. E todas son Literatura dividida en seccións: ocupan un amplo espazo os relatos marítimos; relatos onde destacan as viaxes e as aventuras épicas, viaxes que nos levan a lugares onde os homes viven en situacións extremas. Asemade, teremos relatos con lembranzas persoais e textos de divulgación científica, onde a narración cínguese á descrición científica.
Así pois, 55 relatos onde o autor pousa 55 anos de existencia, existencia viaxeira que arrecende nas palabras, con sabores, cheiros, humidades ou choivas.






Animados na diversidade

Esta curta animada axuda a comprender o valor da diversidade sexual e de xénero que existe na nosa sociedade.
O sexo determínase no ventre e será masculino ou feminino, mentres que o xénero, é dicir, ser o que se considera "home" ou "muller" é unha construción social e cultural que se aprende.
O sexo define os rasgos físicos e o xénero é un conxunto de características afectivas e emocionais que outorga a sociedade para atribuír diferentes roles a cada un deles.
A identidade de xénero é o sentimento que cada un de nós sentimos sobre o noso propio xénero. As persoas chamadas transxénero, significa que o seu sexo é un pero a súa identidade de xénero é outra, polo tanto prodúcese un desaxuste fronte á sociedade. A orientación sexual describe o desexo sexual e a atracción afectiva e emocional que sente unha persoa por outras e de aí proveñen os termos Heterosexual, Homosexual e Bisexual.


Vía

22/12/14

Diario dun Libro Decepcionado

Esta curta narra un ano decepcionante na vida dun libro. Porque séntese maltratado e despreciado.




Vía

A mares

Trinta poemas salgados. Isto é A mares de María Jesús Jabato con ilustracións de Rocío Martínez que publica Kalandaka. Poesías clásicas, adiviñas, contos... metáforas e enumeracións, un repertorio clásico habitado por mares e sereas, faros e lonxas, princesas e ondas... humor dinámico dentro dun xogo ilustrado de transparencia azul en paisaxes mariños con humor e chiscadelas. Mergúllamonos neste mar límpido mentres gozamos con poemas curtos e rimados.








Presión social

A ilustradora brasileira  Carol Rosseti ofrece unha mensaxe positiva ante todo tipo de comentarios e situacións que non sempre son doados de combater por parte das mulleres, do tipo "déitase con todos", "está gorda", "viste como unha moza nova", etc. A ilustradora baséase en situacións que vive xente que ela coñece.


2014-12-11-10857778_712012175584995_3522333043968741592_n.jpg



  •  

  •  

  •  

  •  

  •  

  •  

  •  

  •  

  •  

  •  

  •  

  •  


  •  

  •  

  •  

  •  

  •  

  • CAROL ROSSETTI
  • 20
     
Vía

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.