Grazas a Mª Jesús Fernández chegamos a esta curta de animación do ano 1975, obra do director ruso Yuri Norstein, que foi considerada en Tokio no ano 2009 a mellor película de animación de todos os tempos.
O personaxe principal, o porco espiño, ten dende o ano 2009 unha estatua no centro de Kiev (Ucrania):
31/03/13
Numeralia
Con texto de Jorge Luján e as inconfundibles ilustracións de Isol, Numeralia está publicado por Fondo de Cultura Económica. Un poema para aprender os números porque non deberiamos esquecer que as matemáticas tamén poden ter -ou conter- poesía.
La bella Griselda
“La princesa Griselda era tan hermosa que hacía perder la cabeza a cualquiera.”
“y no es sólo un decir.”
Está claro que nos agarda unha lectura ben diferente! Iso si, os contos clásicos perduran no trasfondo do álbum. Só que neste a princesa é absolutamente terrible, rachando con todos os estereotipos xenéricos. Este álbum convértese entón nun relato que cuestiona e desmonta os lugares comúns dos contos tradicionais convidando á reflexión.
Non á violencia contra as mulleres (CCC)
vivo non vivo en paz viva
denigrada muller na oblicua dor
do teu corpo vivo
non vivo en paz
cando a eclipse te afunde na heca
tombe o teu corpo con mans de ma
cho vivo non vivo en paz vivo
morto vivo a morte viva
en corpo propio
muller diana da histo
ria como residuo
a paz imposible vive en ti
vivo non vivo en paz ela
sepulcro condena lousa mal
pende que pende fende tra
po espera que nega corpo vive to
do cando eclipse anal te afunde dor
pene que pene sistemas
cu linos e relinos no teu cor
po escrito teu xordo vivo
non vivo en paz viva
con rabia de labio en rabia
de femia túa ti futuro teu escrito
na pel papel pulverizada en teu
de ti e volvo bile de vida viva
de viva paz a prol
en ti mu
ller
30/03/13
Maravillas
Volve traernos SM un libro de Brian Selznick: Maravillas é unha auténtica marabilla! Combinación de ilustración e texto, o libro presenta dúas historias paralelas contadas de diferentes xeitos (o texto non se ilustra e a imaxe non se escribe) e que confluirán finalmente; unha obra tenra sobre a procura das nosas raíces, sobre a discapacidade, a valentía, o destino, a amizade.... e o marabilloso que pode ser a vida e o amor. Personaxes entrañables que viven aventuras buscando o seu lugar no mundo engaiolarán o lector desde a primeira páxina.
A pesar da súa "gordura", o libro devórase. A parte gráfica ocupa tres cuartos (640 ilustracións cunha capacidade narrativa abraiante) e a parte escrita é áxil, polo que sen decatarnos rematámolo axiña. Isto é un aviso para o alumnado que mira o número de páxinas!!!
Ben pensó en todas las casualidades que le habían llevado hasta allí y
se maravilló de la forma en que podía seguirles la pista, como si
fueran una ruta trazada en un mapa del tesoro.
Que pasa cando les?
Xa temos traído máis veces a publicidade das librarías Gandhi ata aquí. Encántame:
29/03/13
Escalade
Unha moi boa e sinxela curta que escinifica onde vai parar o crecemento indefinido: unha escalada de despropósitos que conduce cara ao abismo.
Vía
¡Shrek!
A estas alturas, quen non coñece a Shrek!. Imposible non ter visto algún dos filmes que nos presentan este monstro tan entrañable e delicioso. Pero nada eu sabía do libro de William Steig que publica Libros del Zorro Rojo: ¡,Shrek!, o libro, nada ten que ver coa película: é un monstro que debe ir pola vida facendo todo o mal posible e que é pestilente e horroroso, si, e toa un burro e unha princesa... e aí remata todo o parecido entrambos os dous. Un álbum divertido, rimado, e moi colorido que resulta marabillosamente afastado do típico "buenismo" da literatura infantil.
Su madre era fea y su padre era feo, pero Shrek era más feo que los dos juntos.
Gústame... en Silleda
O venres 22, como actividade de despedida do segundo trimestre, e grazas
á colaboración do Concello de Silleda, tivemos no noso instituto a
sorte de poder fotografarnos con aquilo que máis nos gusta: a nosa
lingua. Podedes velas no Facebook, aquí e aquí. Aquí deixamos algunhas:
Algúns profes do ENDL do IES Pintor Colmeiro.
Unha foto creativa: mandar calar a estes dous é tarefa ben complicada.
Bernardo en 4º B.
As miñas nenas de 1º BH sempre sorrindo
As máis "cariñosas"
E seguimos en 1º BH.
Dúas e dúas...
.... son tres en 3º ESO A
Ollo con estes!
Miguel e os seus "secuaces" de 1º BH
O profe de Ciencias, claro!
Deportistas en estado puro
Linguas clásicas, en galego
A profe de Tecnoloxía tamén se apunta
Con mamás coma Mónica, o galego non morre!
Cinco pés para un banco... científico
E se o vedes bailar!!!
Máis profes que queren a nosa lingua
Amor en galego
Ciclos, tamén en galego
Unha orientadora e unha profe de francés que aman a lingua
Por suposto, o profe de mates e o de tecnoloxía, xuntos pola lingua
"VERSATILE BLOGGER"
Debo pedir perdón a Susana Vila: hai case medio mes que me comunicou este premio e case esquezo agradecerlle publicamente a súa xenerosidade. É un recoñecemento que me enche de ledicia porque vén dunha profesional incansable que fai que pertencer a esta profesión nos enorgulleza un pouco máis.
Seica hai que dicir algo respecto ao traballo desenvolvido no blogue: só expresar a miña gratitude a esa lexión de seguidores que en forma numérica cada día me dan unha alegría.
Outra instrución que debo cumprir é compartir o premio con outros blogues. Nestes momentos tan difíciles para a nosa profesión quero compartilo con todo o profesorado que actualiza o seu blogue e traballa por chegar ao seu alumnado dun xeito diferente. Para todos eles e elas, o meu recoñecemento.
28/03/13
ISOL, premio ASTRID LINDGREN 2013
Subscribirse a:
Publicacións (Atom)
