Hoxe celébrase o Día Internacional do Libro Infantil e Xuvenil, unha celebración promovida polo IBBY que coincidindo co nacemento de Hans Christian Andersen pretende achegar os valores da lectura á infancia de todo o planeta. O cartel que podedes ver fíxoo a ilustradora Noemí Vilamuza e o texto Eliacer Cansino. Podedes ler o tríptico premendo aquí nas catro linguas oficiais.
Na páxina da OEPLI (Organización Española para o Libro Infantil e Xuvenil) hai actividades programadas para esta celebración.
Desde o Recanto de Mik chegamos a esta fermosa colección de ilustracións que convidan a ler:
En moitas ocasións, as imaxes axudan a comprender o significado do texto e serven de apoio visual aos lectores inexpertos. Porén, aínda que nos libros xuvenís non adoitan ser necesarias para a comprensión do texto, si enriquecen a experiencia lectora e contribúen á formación dun criterio respecto ás calidades artísticas.
No Segrel atoparedes os carteis dos últimos anos e os seus textos correspondentes. Paga a pena botarlles un ollo!
En Raioteca tedes acceso a preciosas portadas antigas.
Google tamén o celebra no seu logo; non o fai cun só, senón que ata 5 logos diferentes nos ofrece para celebrar o aniversario de Hans Christian Andersen (para velos non tedes máis que premer no logo para que vaian saíndo os outros). Recoñezo que cada día me gusta máis descubrir a súa creatividade:
En Raioteca tedes acceso a preciosas portadas antigas.
Google tamén o celebra no seu logo; non o fai cun só, senón que ata 5 logos diferentes nos ofrece para celebrar o aniversario de Hans Christian Andersen (para velos non tedes máis que premer no logo para que vaian saíndo os outros). Recoñezo que cada día me gusta máis descubrir a súa creatividade:
E invitámosvos a descubrir, se non o fixestes xa, o Semanario Infantil e Xuvenil de Libro de Notas.
Sen comentarios
Publicar un comentario