El abanico de seda

Sobre un fondo de cultura chinesa e paisaxe rural, vaise debuxando a historia dunhas mulleres xulgadas pola rutina machista dende nenas, pero redimidas por algunhas tradicións milenarias. Nas máis chamativas topamos a posibilidade de poder alcanzar o privilexio de ter unha "laotong" ou alma xemelga, e a aprendizaxe dunha linguaxe secreta entre mulleres chamada "nu shu".

E será precisamente esta linguaxe e o seu estudo o que serve de inspiración para a escritura deste libro de Lisa See. Nun mundo onde a muller está predestinada a ser unha posesión máis do home, a ser menos que nada, indigna desde o primeiro momento do seu nacemento pois carecen de valor, a relación entre dous "laotong" e a escritura secreta feminina cumpren unha función de rebeldía, de reivindicación da súa dignidade.

El abanico de seda é unha fiestra a un mundo abraiante, afastado e descoñecido, un retrato vivo da vida dunhas mulleres extraordinarias que vos deixará unha impresión inesquecíbel. Para min, o capítulo onde conta a vendaxe dos pés e o sufrimento que iso conleva, é particularmente conmovedor