Os filmes da miña vida (II)

Casablanca

Casablanca é unha obra mestra, un tratado filosófico sobre a responsabilidade moral fronte ás necesidades e ás emocións. Cantas veces a vin? Moitas, e sempre me conmove. É unha gran historia de amor, por riba de todo.
Humphrey Bogart e Ingrid Bergman son a parella ideal. O primeiro, a pesares do seu rudo carácter, é un sentimental; por segunda vez volve topar o amor e renuncia a el para que os demais estean ben.

Guillermo Cabrera Infante escribiu sobre esta película que "sabe unir a fin co principio: caos e creación. Contén algo para practicamente calquera memoria". E é que volverei a vela moitas máis veces e nunca me cansará.