Valedor... ¿de que pobo?

Perdoen vostedes o meu literal cabreo, pero é que non o podo crer, sinceramente. Onte á noite, ollando La Voz de Galicia, leo o seguinte titular: "Si a un niño se le suspende por el gallego, logramos que le coja odio". Pero quen é o necio...? Nin máis nin menos que o novo Valedor do Pobo. E leo: El gallego es una lengua materna tremendamente hermosa (...) El problema está cuando de una necesidad o conveniencia se hace imposición (...) a acostumbrar el oído a un idioma musical como es el gallego (...) Si a un niño se le suspende por el gallego, si se le deja por esa simple asignatura colgado para el curso siguiente, lo único que logramos es que le coja odio al idioma.
Y permítanme ustedes que me pase al castellano, dado que yo tampoco me quiero imponer!!! Es que no sé qué llevo haciendo toda mi vida, enseñando un idioma tan musical que no sirve ni para ser escrito! No entiendo ni como existe eso de la Filología Gallega!
Ironías aparte, eu, que xa sabedes que me costa entender moitas veces o que pasa neste noso país, que vos acabo dicindo que non temos remedio, sigo cabreándome cada día. Porque este novo Valedor que "no pertence a ningún partido, sindicato, fundación ou asociación", digo eu, será proposto por este noso goberno tan nacionalista. E eu, tan lerda, pensaba que o BLOQUE defendía a nosa lingua por riba de todo. E algo terá que dicir nun goberno bipartito. Pero está claro que tamén nisto estaba equivocada.
Espero non ter que acudir nunca a este Valedor tan magnífico. E que vós, queridos alumnos e alumnas, suspendid@s por esta pobre desgraciada, sigades a falar ese idioma "tan musical" a pesar de todo. Claro que creo lembrar que non tod@s @s que falades castelán aprobades a asignatura... ah! iso é outra cousa!
Vivan os dereitos lingüísticos dos cidadáns e cidadás... castelán falantes!