O Día Mundial da Auga é unha ocasión única para lembrar que mentres nós menosprezamos un ben tan fundamental para a nosa vida, moitas persoas no mundo non teñen acceso á cantidade de auga potable necesaria para a súa supervivencia. Nun mundo que está cuberto
nas súas dúas terceiras partes por auga, pode parecer un contrasentido falar de que o difícil acceso á auga potable é a causa de enfermidades e miseria para 1500 millóns de persoas.
![](https://blogger.googleusercontent.com/img/b/R29vZ2xl/AVvXsEje871sy-vZS9R5zNoyUhrFA4yl84PW_fHIc4EhI64vnd4OollgNRlOH6fspaLxkMl70rWQECK-FJCnK2ixuXjV0xbNmoUtstkJHUA6W5SYGA3rKQA3xL7Ky75DadI8-eQIM9P1Dh2ddg/s400/gotaagua2.gif)
Existen tantos xeitos de considerar, utilizar e conmemorar a auga como tradicións culturais arredor do mundo. Sagrada, a auga sitúase no centro de numerosas relixións e utilízase en diversos rituais e cerimonias. Durante séculos, a auga foi fonte de inspiración para a arte, a música, a pintura, a literatura e o cine. Constitúe un factor esencial en diversos ámbitos científicos.
Cada rexión do mundo ten o seu particular xeito de consagrar a auga, pero todas recoñecen o seu valor e o lugar central que ocupa na vida humana. As tradicións culturais, as prácticas indíxenas e os valores sociais determinan o xeito en que as poboacións perciben e xestionan os recursos hídricos nas diferentes rexións do mundo.
Cada rexión do mundo ten o seu particular xeito de consagrar a auga, pero todas recoñecen o seu valor e o lugar central que ocupa na vida humana. As tradicións culturais, as prácticas indíxenas e os valores sociais determinan o xeito en que as poboacións perciben e xestionan os recursos hídricos nas diferentes rexións do mundo.
A auga, ou máis ben a súa escaseza, é tamén un factor diferencial de sexos: unha de cada catro nenas non remata os estudos primarios fronte a un de cada sete nenos. A explicación ten que ver coa auga: as mulleres e as nenas dos países máis pobres adican unhas 40000 millóns de horas ao ano en ir buscar auga, en moitas ocasións a lugares distantes e perigosos. Nestes países os varóns non realizan este cometido.
O mapa que ves amosa a precipitación anual promedio, en milímetros e pulgadas, do mundo. As áreas verde claro poden ser consideradas "desertos"... fíxate en Groelandia e na Antártida!
![](https://blogger.googleusercontent.com/img/b/R29vZ2xl/AVvXsEj5ek5H44ldNnsufOJwHGPNriPgyvA7Ps9v1_SCSH5yhpNofCHV9Qp079fYTabxt2z-w_DK3Ghi1yq6HocDt6khGEy3Lo3RdGWsaHCgfCvVrWI5HCiLzdv_KAPqCQJgkbjt9nMOPSIPXw/s400/mapa+precipitaci%C3%B3ns.gif)
Propoñémosche un xogo interactivo de Unicef, non tes máis que pinchar na imaxe e aprenderás xogando a importancia da auga e do seu aforro:
![](https://blogger.googleusercontent.com/img/b/R29vZ2xl/AVvXsEhB367snUGpVZiKI9xaAtq1FSeGWYBYZOzu6MxGyhkwXwX795-FN0va41GehAh1RVNvSSd99kasHzFU-QU9QDK6giLvo5Z5CHL9VEvrJF-5LTbxx4AOaa3n3PD0rlCJpgRFq4R-QJpa1g/s400/gotaagua.jpg)
Sen comentarios
Publicar un comentario