Fracture

Fracture é un thriller xudicial que se deixa ver de boa gana, entretida, sen ser unha obra mestra. É dese tipo de películas que se facían hai un par de décadas con certa regularidade, cunha impresionante actuación do malo malísimo Anthony Hopkins, quen sempre consegue engatusar ao espectador con ese xogo de miradas e frases que non sabes onde te van levar.
Non é unha película aburrida en ningún instante, e iso que ás veces non é polo exceso de acción, senón todo ao contrario. Recomendada para pasar un rato sen demasiadas pretensións, aínda que quizais lle sobre ese final reconciliador co mundo tan típico das películas americanas. Pero está ben en conxunto.