Continuamos fomentando ese "pique" san entre algúns dos nosos lectores (onde están os mozos e mozas do rallye??). Iso si, nada de enfrontamentos máis alá dos dialécticos...
Reto 1.- Un home enfermo deixou no seu testamento 84000 € á súa muller e ao fillo que esperaban, para que o repartiran do seguinte xeito: se se trataba dunha nena, a pequena tería o dobre que a súa nai; porén, se era un neno, a nai tería o dobre que o rapaz. Cando pasaron uns meses, a muller tivo mellizos, un neno e unha nena. Como deben repartirse a herdanza para cumprir os desexos do pai?
Reto 2.- Observa as seguintes columnas de números:
Saberías colocar os números 20, 30, 100 e 1000 na columna correcta? Reto 3.- Empregando o 4, o 5 e o 6 unha única vez, conseguir o 27.
Reto 4.- Cal é o seguinte número nesta sucesión? 1, 2, 6, 42, 1806, ___
BÓLA EXTRA: Nun concurso de alta costura galega propúxose a proba seguinte: "transformar con catro cortes rectilíneos unha bufanda de longo 5a e ancho a, sen doblala, nun pano de cabeza cadrado de igual superficie, xustapoñendo os anacos".
O gran costureiro Afonsus Dominicus foi o único que logrou realizar a proba grazas ao seus coñecementos esotéricos. Sería ti capaz de facer o mesmo?
23 comentarios:
Hai pique, hai pique, recoñézoo...
Pero dame algo de pena solucionar tan rápido..
Por agora só vai o primeiro:
Intenteino facer usando o método bolbor (discurrindo e empregando ecuacións e cousas raras desas que lle gustan tanto) pero vendo que saían cousas raras remateino pola conta da vella (como non).
A filla debe percibir 48000€, o fillo 12000€ e a nai 48000€,(48000+12000+24000=84.ooo)
O que non me explico é por qué...
O terceiro: 4.5x6=27.
Tamén pola conta da vella, como non.
Eu fago os faciliños, os demais déixollos ás cabezas pensantes.
Tremenda entrada Oshidori!! Vese que estabas co boli preparado e co Interné botando fume...
Xa que estás facendo os faciliños, só che direi que o reto número 3 está resolto. Sobre o primeiro, deixarei que bolbor dea o seu razoamento matemático para atopar a solución. Así entenderás o por que esa é a solución... ou non!
Reto 4-
O seguinte número sería o 3263442, elevando o 1806 ao cadrado e sumando 1806; que foi o que se fixo cos anteriores.
Vale, explico o 1º: o fillo leva x, a nai 2x e a filla 4x, así cúmprense as relacións que pide o problema (a nai o dobre do fillo e a filla o dobre da nai). Unha simple ecuación nos daría a solución: 2x+x+4x=84000, cos resultados que xa nos contou Oshidori.
O segundo é un pouco malévolo... 20-->6, 30-->7, 100-->4 e 1000-->3. Alguén me di agora o por que?
O 4 xa o sabía, así que non ten mérito.
Saúdos para tod@s.
Buenooooooooooooooo!!
Falar de pique xa me parece pouco. Como andamos!
Polo menos bolbor deixa algo aberto o reto número 2 (resposta correcta, por certo) porque case non me deixades nin respirar.
E como queredes que os meus nenos do rally pensen un chisco! Menos mal que para eles sempre teño problemas diferentes, que se non...
... e de agasallo unha bóla extra. Traballade, traballade...
Pois si que estivo listo o tal Afonsus...
Seguro que algo falla no meu razoamento, pero se hai que facer un cadrado significa que hai que dividir a tela en n^2 partes iguais e logo cortar por onde se poida. En calquera caso, segundo as proporcións da tela, terase que cumprir que a·5a=n^2, é dicir que a=n/raíz(5) sendo a e n números naturais... pero non hai naturais múltiplos de raíz(5)... non entendo nada... serán as horas...
Saúdos.
Q di?
xD
querida Oshidori, moito me temo que a bolbor lle afectou un chisco a nevarada de hoxe...
Bolbor, por favor cando se che pase pola cabeza un razoamento deses deixao para tí, que estás deixando en moi mal lugar ó estamento docente.
As matemáticas serven para todo pero de vez en cando ven moi ben facer coma Oshidori, a su libre albedrío, xa sabes coma fas cando lles pos un exame os rapaces, corto de aquí e pego alí.
É o que ten a ignorancia, como non sei o que dixen... dixen o que un ignorante diría... en calquera caso que viva o surrealismo!!
Saúdos.
P.D. O dos exames tampouco o pillo...
O que faltaba!!! Se agora entra o matemático máis insigne de forcarei a comentar aquí, daquela xa estamos aviados. bolbor, tranquilo, tod@s sabemos que ti podes!
saúdos para todos pero... que pasa coa bóla extra? Atragántasevos, ou....
Eu non entendo o enunciado...q son de ciencias!
...
Manolus, menos sembrar polémica e máis resolver..
Jijijiji
Vouche facer un crokis, pero dame tempo que estou moi liado.
Como se nota que estes que teñen fillos novos por librarse de cambiar pañales dinlle a muller que teñen moito que facer en internet e ala, a pasar o tempo.
Cortamos por 2a e poñemos encima de 3a. Logo sobre o vértice de 2a marcamos a e dende alí trazamos a hipotenusa formando un triángulo fora da tela de catetos a e 2a. Se nos damos conta, formando un cadrado utilizando esta hipotenusa como lado obtemos fóra del as telas que hai que recortar (dous cortes máis) para encher os ocos do cadrado.
O esquema do ocupadísimo matemáticus aclarará o que digo.
saúdos
Por certo, se me trabuquei outra vez tende piedade dun enfermo que está con febre (xa me costa pensar cando estou ben, así que imaxinade agora...)
Aínda así me gustaría que alguén me contara onde está o erro lóxico na quimera dos naturais e dos irracionais... (eu non teño máis ganas de pensar sobre o asunto, jijiji)
Saúdos.
... eu fixen o esquema na miña cabeza e intúo que das coa clave(nunca me defraudas, querido bolbor). Aínda así, agardaremos o esquema do matematicus que está claro que é o máis ocioso de tod@s: nós cos cueiros temos bastante.
Respecto ao erro do teu razoamento, creo que é algo tan sinxelo como presupoñer que n é un número natural. Loxicamente, impoñendo esa condición o problema só tería sentido para valores de a = raíz(5)k/5 con k natural.
O que fai a febre...recupérate!!!
Esto gustamme, o desvario destes dous. Estou case seguro de que non saben de que falan.Pero a verdade e que Bolbor ata me convenceu e todo. Si señor, es todo un xenio.
Sigo traballando no esquema, pero xa estamos de fin de semana, se vos destes de conta.
Así que ala!!!!!! a disfrutar da neve.
Un saúdiño
.................·x
........x........·..x
x----------------|....x
|x...............|.......x
|..x.............|..........x
|----x-------------------------x
|......x..................x....|
|........x.........x...........|
|----------x-------------------|
Con isto está clarísimo ;o)
"x" son o cadrado
"--" e "|" son os bordes da tela
Habería que cortar na parte inferior esquerda e inferior dereita para encher a parte superior dereita e o espazo que quedaría debaixo do vértice superior do cadrado...
Se hai dúbidas... a protestar ao mestre armeiro...
Saúdos.
Clarisisísimo, vamos.
Quen pode querer explicacións tendo un esquema como ese...
E xa que estes retos matemáticos están tendo éxito aproveito para facer a miña aposta, aí vai un reto (non) matemático:
Un vello tiña unha pistola, unha calquera (non importa); e ao seu neto gustáballe moito xogar coa arma (erro! Nunca lle deixedes aos vosos fillos xogar cunha pistola).
Un día o avó díxolle ao seu neto: Non se pode xogar con pistolas. Porque "unha pistola armada asusta a un, e unha que non o está asusta a dous".
Por qué?
Ala, deixade as formuliñas e os esquemas.
Será porqe se está armada o que a ten está tranquilo e o outro asustado, se non o está entón o que a ten estará asustado porque sabe que non o vai a defender e o outro porque sempre terá a dúbida de se está armada... ou sabe deus... porque vindo de quen vén esta adiviña... a saber...
Saúdos.
Ao final ata se me apoderarán da sección!
Xa o estou vendo!
O que empeza a ter medo agora son eu...
(por certo, estou con bolbor na proposta de Oshidori)
Saúdos
Publicar un comentario