Olha que blog Maneiro

Fai uns días recibimos un regalo fermoso de parte de tres blogues amigos: A Escola de Ismail, Biblioblogreboreda e Bibliotecadocole De que estamos a falar? Pois concedéronnos o premio Olha que blog Maneiro, que significa algo así como Mira que blog tan creativo, tan bonito.

Desde os ronseis queremos manifestar o noso orgullo por esta concesión e quixeramos mandar unha forte aperta aos amig@s que se lembraron de nós.

Este premio ten as súas normas, que son:

• Exhibir a imaxe do premio Olha que blog Maneiro.
• Poñer o nome do blog que cho entregou.
• Indicar os teus 10 blogs.
• Avisar aos indicados.
• Publicar as normas.
• Comprobar que os blogs indicados sigan esas normas.

Como a miña benquerida compañeira anda de viaxe disfrutando duns días de descanso, agardaremos uns días antes de facer público o nome dos blogues aos que lles pasamos o premio. Será unha decisión complicada...