Meu pai foi rei

Nesta liña de álbums ilustrados (algúns din que infantís) que tanto me gustan, chego a este que ¡por fin! está en galego, da editorial Tambre, de Thierry Robberecht e Philippe Goossens, Meu pai foi rei, cunha mensaxe moi clara: un pai que se afasta cada vez máis do seu fillo cando o traballo é a súa ocupación primordial. Pero darase conta do que é realmente importante: ter unha relación marabillosa coa familia. Toda unha reflexión sobre a sociedade actual e as relacións familiares. Porque hai pais que están tan, tan ocupados, que semellan tan grandes que non caben na casa, e tan afastados, que non viven cos seus fillos. Un libro moi recomendable para ler en familia, e sobre todo para facer reflexionar a pais e nais ocupad@s e despreocupad@s.

(Portada en castelán porque non a topei en galego)