Fotopres o9 recolle 135 fotografías cun nexo común: a reflexión sobre as condicións de vida de diversos países con conflitos, como Pakistán, Kenia ou Líbano. É un dos concursos de fotografía de prensa con máis historia e recoñecemento en España. O certame organízase co obxectivo de dar a coñecer e difundir a fotografía documental, e contribuír á consolidación do documentalismo contemporáneo.
O fotoperiodista Emilio Morenatti gañou o primeiro premio con 'Violencia de xénero en Pakistán' unha serie de 10 mulleres coa face desfigurada polo ácido a causa do 'honor familiar'.
O segundo premio foi para 'Violencia post electoral en Kenia', de Walter Astrada, con imaxes dos enfrontamentos que nese país africano houbo entre etnias.
O terceiro premio foi para Alfonso Moral polas fotos 'Líbano, entre mar e lume', fotos que se afastan da guerra e amosan a vida social do país.
Vía
Sen comentarios
Publicar un comentario