Una historia sencilla

Leonardo Sciascia relata en Una historia sencilla unha historia non tan sinxela, máis ben unha historia ben complicada, breve e intensa, como só un mestre na arte de escribir é quen de lograr. Unha novela que quizais entre no calificativo de "novela negra" pero que reflexiona con pesimismo sobre o poder xudicial e policial. A corrupción a todos os niveis, con ese misterioso e innomeable fondo de mafia e drogas siciliano, cun punto álxido precisamente no último capítulo da novela. É un libro redondo, desde o protagonista, un sarxento sen importancia en todo o entramado policial, ata o xeito en como se nos van desvelando os feitos, pasando pola casualidade como circunstancial para aclarar un posible asasinato.

Unha obra mestra de menos de 80 páxinas.
Imperdoable que non coñezades este autor.

Leonardo Sciascia - Una Historia Sencilla