Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

01/07/10

Los doce abrigos de mamá


Con texto de Marie Sellier e ilustracións de Nathalie Novi, Los doce abrigos de mamá editado por Hotel Papel (en inglés e en castelán), lévanos da man dos diferentes humores polos que pasamos as persoas.
Mamá ten doce abrigos diferentes na cor, na forma, no tacto... que indican o carácter de mamá en cada ocasión. Como os doce meses do ano, o álbum agasállanos con doce poemas convertidos en arte. Doce sentimentos diferentes, porque as mamás, aínda adorando aos seus descendentes, son persoas, e teñen dereito a soñar, a ter medo, a chorar, a sorrir, a ser feliz, a enfadarse... e cambiarse de abrigo segundo necesidades ou momentos.
Ollo! O peor abrigo é o da ausencia.





Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.