Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

25/09/10

Andrés cabeza abaixo


Delicioso álbum de Pablo Albo ilustrado por Roger Olmos, Andrés cabeza abaixo é outra das novidades editoriais coas que OQO nos agasalla este mes de setembro. Unha fermosura de texto onde semella que todo pode ir a peor aínda que sempre haxa unha saída, porén non ten por que ser esta a máis escrupulosamente limpa. Moito humor adobiado por unhas ilustracións incribles, propias deste ilustrador que sempre nos namora e que consegue crear chiscadelas para volver a repasar unha e outra vez as súas páxinas.
A estrutura acumulativa é propia dos contos:

E, como se temía,
Andrés acabou na barriga do lobo feroz,
que estaba dentro da barriga do león famento,
que estaba dentro da barriga do oso salvaxe,
que estaba dentro da barriga do dragón terrible,
que estaba dentro da barriga do ogro.


Texto presentación da editorial.

Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.