Pel con pel

Pel con pel recolle case corenta fotos presentadas ao II Concurso sobre Lactación Materna que organizou Fedegalma e a Editorial Galaxia. Ademais, poemas e textos de Alfredo Ferreiro, Begoña Caamaño, Dores Tembrás, Eduardo Estévez, Francisco Castro, Ledicia Costas, Marta Dacosta, Román Raña, X. M. Álvarez Cáccamo e Yolanda Castaño.
Hai fotografías fermosísimas, tenras, lenes, doces.
E textos que saben a mel.
Coma as nais.

Déixovos o poema de Dores Tembrás:

madrugada inédita
que a túa urxencia
inaugura
leito amniótico
a custodiarnos
boca
a osmar na entreluz
meixelas
a estrelarse en pingas

así espallados
en petróglifos de vna
do cabelo ás pestanas
do nariz ao peito

mentres tódolos dedos
diminutos
rebentan o ar
vagarosos
atravesan a noite