El hombre que entraba por la ventana

Con texto de Gonzalo Moure e ilustracións de Gabriel Pacheco, El hombre que entraba por la ventana, publicado por SM, lévanos da man ao mundo onírico e ao mundo triste dos fados. É un libro precioso, as ilustracións soas pagan a pena, e o texto, ao contrario que o que adoita suceder nos álbums ilustrados, constitúe un relato longo e denso onde cada palabra é esencial porque debemos viaxar con ela a Portugal. A melancolía, a ausencia da figura do pai, a tristura da nai soa, a música esencial como fío condutor... e por fin, a chegada do amor, a vida por si mesma... Atrevámonos a soñar con este libro onde un transatlático é quen de navegar polas ruelas lisboetas e onde os contos contados, a literatura oral, é esencial para poder mirar cara adiante.