Contra el viento del norte

Outra raíña maga agasalloume este libro. Un libro que estaba na miña lista de "desexables" pola choiva de críticas positivas que me chegara del. E como adoita suceder nestes casos, non me gustou tanto como agardaba.
Daniel Glattauer é o autor de Contra el viento del norte, publicado pola editorial Alfaguara. Si é certo que é unha novela entretida, que se le rapidamente, que resultan máis ou menos atractivos os seus personaxes; creo que o seu éxito vén dado precisamente pola "cotidianeidade": unha correspondecia amorosa afastada de romanticismo vía internet de dous descoñecidos: calquera pode ser o protagonista. Pero creo que tamén é unha novela que esquecerei en pouco tempo, porque non deixa pegada; e segundo me confesou a propia raíña maga, a segunda parte é bastante peor e non ma recomenda. Ademais, considero de bastante mal gusto que a última páxina do libro che indique que o final está precisamente nese segundo libro titulado Cada siete olas. Nalgún lugar lin que é "unha novela lixeira". Pois iso.
En certa medida, quedei un pouco farta da personaxe feminina. Das súas indecisións, desa tormentosa relación vía e-mail que non sabía como rematar. Das súas paranoias e dun sarcasmo con pouco gusto. Quizais compoña unha historia romántica (andamos necesitad@s delas?) e non moi pastelosa, pero recoñezo que ata chegou a cabrearme nalgúns momentos.
Un tanto decepcionante.