Pequena Lúa

Publica Kalandraka este tenro libro, Pequena Lúa, de Elzbieta. Un conto que nos aproxima ao mundo da nenez, das primeiras palabras, das primeiras observacións, dos primeiros contactos co mundo exterior. Un mundo por descubrir. Pero sempre baixo a mirada e o amor de quen os rodea, sexa a especie que sexa. Mesmo a Lúa está para protexer os bebés.

...E coa noitiña, chega a Lúa. E todas as noites, Bubú sinálaa e di: –Alí!
Todas as noites fai iso.
–Vamos, apura, meu Bubú! –di Oso.
Pero Bubú non apura. Sinala a Lúa e di:–Alí!