Belladona

Publicado por Dibbuks, Belladona conta con guión de Ange e debuxos de Alary. A historia sitúase en 1680, no París de Luís XIV, unha historia de espionaxe e contraespionaxe onde a protagonista é unha moza de escuro pasado chamada Marie, ou Belladona. Con saltos no tempo, para nos ofrecer unhas pinceladas desa crianza que Marie apenas lembra, con moita acción e uns debuxos moi coidados a toda cor. Aventuras, amor, emocións... todos os ingredientes básicos para para gozar do cómic. E a protagonista imbatible é unha muller, algo non moi corrente nesta época de mosqueteiros...