En algún lugar de China

Precioso texto de Ana Folgueira con ilustracións de Emilio Amade para este álbum: En algún lugar de China está publicado pola editorial Silabario. Pero estamos ante algo máis ca un libro, que por certo, é precioso, onde unha lenda conta como as familias adoptantes de nenas chinesas son escollidas por un paxaro que leva unha corda vermella para dárllelas. É máis ca un libro porque é un proxecto editorial que quere recadar fondos destinados á Asociación de Familias Adoptantes en China (AFAC), xestionando programas nos orfanatos chineses para operar nenos con necesidades médicas especiais e así facilitar a súa adopción.