Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

10/03/12

El asesino dentro de mí

Un bo amante da novela negra ten de ler aos clásicos, e Jim Thompson é un deles, sobre todo con este libro publicado por RBA na súa Serie Negra: El asesino dentro de mí. Un libro tremendo sobre a enfermidade psicópata dun home aparentemente normal, que nos conta en primeira persoa como necesita o crime e se xustifica cunhas razóns que producen calafríos. Estas e non outras domínano de tal xeito que sente a necesidade "xustificada" de asasinar, por iso a novela é unha loita contra esta enfermidade que o domina. E aí xorde o bo da novela: que vemos a maldade dende dentro, o que converte a lectura nunha obsesión que non remata ata a derradeira páxina, cando o pechas e tremes pensando en que alguén do teu arredor poida ser así. Ademais, só vemos o que o el quere, posto que só temos a súa visión. Non sabemos que pasa pola mente dos outros personaxes, porque el tampouco o sabe, nin intuímos como vai rematar todo porque só lemos a súa mente e as súas accións.
Dous días asfixiantes verdadeiramente magníficos.



1 comentario:

Anónimo dixo...

e pronto poderase ler en galego, da man de Rinoceronte.

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.