Jack e a morte

Gustoume moito este álbum de OQO con texto de Tim Bowley e ilustracións de Natalie Pudalov: Jack e a morte lémbranos que vida e morte son complementarias e que ambras precísanse para teren sentido. Versión dun conto tradicional británico, a morte neste conto non é un drama, senón que con serenidade explícanos que esta é inevitable e mesmo necesaria. As ilustracións magnifican o relatado posto que son poderosas metáforas: chaman a atencións as mans da morte, afastadas do corpo pero pertencentes a ela, ademais de requirir unha dobre atención pola exuberancia detallista que nos agasalla.