A voda dos ratos

Divertido relato o deste álbum que nos fai reflexionar sobre a importancia dos sentimentos e do respecto aos demais, fóra de prexuízos e aparencias. Un conto que nos vai recordar moitos outros (agora non me sae un similar que non lin hai moito) posto que é unha reinterpretación dun conto antigo do século III a.C.
Estamos a falar d' A voda dos ratos de Margarita del Mazo con ilustracións de Lisa Kaser publicado por OQO. Un álbum que nos fala de que o amor vence calquera obstáculo, por moi forte que sexa... como a oposición dun pai! As ilustracións son moi simpáticas con múltiples detalles que farán que o lector se deteña atentamente neles, descubrindo moitos sorrisos agochados. Encantoume cando os ratiños namorados comparten un libro en segredo!!!